Gerðir kirkjuþings - 01.01.2013, Side 119

119
II. Kafli: Starfsmannaþjálfun
Markmið:
Að allir sem koma til starfa eða þjónustu á vettvangi þjóðkirkjunnar fái viðeigandi fræðslu
og þjálfun.
Sérmenntað starfsfólk innan kirkjunnar eigi reglulega kost á sí og endurmenntun til að
efla og viðhalda starfshæfni og verjast kulnun í starfi.
Að öllum er sinna sjálfboðnu starfi innan kirkjunnar sé boðið (sé gert) að sækja námskeið
er efli þau í hlutverki sínu og veiti fræðslu um grundvöll og starfsemi kirkjunnar.
Greinargerð.
Helsta breyting sem taka verður mið af í þessu tilviki er tvenns konar. Auknar kröfur til
allra þeirra er koma að starfi með börnum og unglingum.
Sömuleiðis það stóra mál er varðar námsframboð Háskóla Íslands í fögum er tengjast
prestsstarfinu beinlínis.
Verkefni:
Starfsfólki þjóðkirkjunnar, launuðu sem ólaunuðu, sé boðið upp á grunnfræðslu um
kristna trú og miðlun hennar, svo og mannleg samskipti og um sálgæslu. Námskeið séu
löguð að hlutverki ólíkra starfshópa.
Guðfræði­ og djáknanemum sé tryggð þjálfun í safnaðarstarfi.
Í ljósi breytinga á háskólamenntun í guðfræði er brýnt að byggja upp nám á forsendum
kirkjunnar er lúta að siðum hennar og starfsháttum.
Símenntun starfsfólks í samvinnu við guðfræðideild H.Í., Skálholtsskóla og aðrar
menntastofnanir.
Fræðsla um eðli og afleiðingar kynferðisbrota og þjálfun um æskileg viðbrögð þegar greint
er frá kynferðisbroti. Sérstök áherslu verður lögð á þetta atriði næstu fjögur árin. Námskeið
fyrir fólk í sóknarnefndum.
Sérstök námskeið fyrir starfsfólk, s.s. meðhjálpara/kirkjuverði/tónlistarfólk.
Áætlun um eflingu sjálfboðaliðastarfs innan Þjóðkirkjunnar.
III. Kafli: Kirkja og stofnanir samfélagsins.
Markmið:
Kirkjan vill eiga jákvætt samstarf við allar helstu lykilstofnanir samfélagsins. Láta í té og
styðja gerð fræðsluefnis er tengist kristinni trú og hentað getur í hverju tilviki og hverjum
aðstæðum.