Gerðir kirkjuþings - 01.01.2013, Side 120

120 121
Verkefni:
­ Í hverri kirkju þarf að vera til fræðsluefni um kirkjuna, sögu hennar og þá muni og tákn
sem þar ber fyrir augu. Efni þetta væri fyrst og fremst hugsað til nota við heimsóknir
nemenda í kirkjuna, markmið þess að börnin læri að þekkja sína heimakirkju og þá
sögu sem henni tengist.
­ Koma að gerð námsefnis er hentar til fræðslu um kristna trú í leikskólum, grunnskólum,
framhaldsskólum og háskólum.
­ Bjóða fyrirtækjum og stofnunum námskeið um samskipti og virðingu byggða á kristinni
siðfræði.
Greinargerð.
Í ljósi þeirra breytinga sem orðið hafa á undanförnum árum í samskiptum skóla og kirkju
er hér lagt til að þessi kafli hafi aðra yfirskrift og fremur sé höfðað til víðara samhengis
um samstarf við sem flestar stofnanir og félög samfélagsins. Tilboð kirkjunnar áréttað um
samstarf og faglegt framlag þar sem þess er óskað.
Sóknir og stofnanir þjóðkirkjunnar eigi samstarf við leikskóla/skóla um heimsóknir og
fræðslu, sálgæslu, áfallahjálp og kærleiksþjónustu.
Þjónusta í kringum hátíðir kirkjuársins
Gerð ítarefnis um kristinfræði og trúarbragðafræði, t.d. um kirkjulegar athafnir
Fræðsla og fyrirlestrar hjá foreldrafélögum, m.a. um áföll og gildismat
Sjálfstyrking fyrir nemendur í efstu bekkjum grunnskóla
Lífsleikni fyrir framhaldsskóla þar sem áhersla er á tilvistarspurningar, Þjálfa leiðtoga og
endurskoða námsefni.
IV. Kafli: Skipulag fræðslumála þjóðkirkjunnar
a. Heimilið og kirkjan
Foreldrar og heimili bera frumábyrgð á uppfræðslu barna sinna, fræðslu hinna skírðu.
Sóknin styður og hvetur foreldra og heimili við það uppeldi.
Sóknin er grunneining hins skipulega fræðslustarfs kirkjunnar. Allar sóknir styðji foreldra
og heimili við uppeldishlutverk sitt.
b. Sóknin- prestakallið- samstarfssvæðin
Sóknin er grunneining safnaðarstarfs og að jafnaði er gert ráð fyrir því að grunnþjónusta
kirkjunnar sé í boði í hverri sókn. Þar sem prestakall er samsett úr fleiri en einni sókn
gengur skipulag starfsins út frá þeirri einingu. Enn fremur er eðlilegt að samstarfssvæði
leggi krafta sína saman og eigi samstarf um þá fræðslu sem hagkvæmt þykir að bjóða fram
í stærra samhengi.