Orð og tunga - 01.06.1988, Page 86

74
Orð og tunga
kerfanna (þýða viðbætur og sinna ýmsum lagfæringum). Þýðingadeildin hefur
einnig þýtt forrit fyrir einmenningstölvur (Stoð-forritin og Gagnadís). Loks er
að nefna þýðingar á skrifstofukerfum AS/400 tölvunnar.
ErEtt er að gera nákvæma grein fyrir umfangi þessara texta í línum eða
blaðsíðum. Það skal þó reynt, en tekið fram að tölur eru ekki nákvæmar, og er
líklegt að þær séu frekar of lágar en of háar.
Ritvangur/370
Ritvangur/36
Liðsinni/36
Svari/36
Endurskoðun á Ritvangi/370 og skrifstofukerfum S/36
Stoð-forritin
Gagnadís
Skrifstofa/400, Svari/400 og PC Tengill/400
Samtals:
15.000 línur
26.000 línur
40.000 línur
15.000 línur
50.000 línur
7.000 línur
4.000 línur
161.000 línur
318.000 línur
Umreiknað í vélritaðar blaðsíður með 40 línum á hverri síðu yrðu þetta tæp-
lega 8.000 síður. Endurskoðaðar línur eru örugglega vanreiknaðar. Hér er ein-
göngu um texta forritanna að ræða, bækurnar eru ekki með í þessum tölum.
Eins og sést í töflunni er langstærsta verkefnið þýðing skrifstofukerfanna á
AS/400, nýrri fjölnotendatölvu IBM. Hún kom á markaðinn í júní síðastliðnum.
Nú er svo komið að búið er að þýða Skrifstofu/400, skrifstofukerfi sem sam-
svarar að miklu leyti skrifstofukerfum System/36 tölvunnar, PC Tengil (tengi-
forrit milli AS/400 og einkatölvu), hluta af System/36-umhverfi tölvunnar (það
sem er á íslensku á S/36) og algengustu valmyndir og boð í stýrikerfinu.1
Þar sem forritin eru stór og verkið varð að vinnast hratt þurfti að stórauka
mannafla þýðingadeildarinnar. Frá því í september 1987 hafa þýðendur verið 10
til 12 talsins, þó ekki allir í fullu starfi.
3 Búnaður og aðferðir við þýðingarnar
3.1 Textarnir
Textunum má skipta gróflega í þrennt eftir hlutverki í forritunum: 1. skjámyndir,
2. boð og 3. skýringar.
1. Skjámyndir. Skjámyndir eru textar sem birtast á skjá og leiðbeina notanda
forritsins við það sem hann er að gera. Oft er brugðið upp nokkrum kostum sem
notandinn verður að velja um með því að rita ákveðinn tölustaf, bókstaf eða
stafastreng á skjáinn eins og sýnt er á mynd 1. Skjámyndirnar geta tekið yfir
heilan skjá eða einungis hluta skjásins (gluggar, sbr. mynd 2).
^Það sýnir vel hversu rótgróin krafa tolvunotenda um hugbúnað á þjóðtungunum er að
verða, að þegar IBM kynnti þessa tölvu var tilbúin þýðing á þjóðtungum flestra þeirra landa
þar sem hún var kynnt.