Orð og tunga - 01.06.1988, Side 101

Helga Jónsdóttir: Þýðingar á tölvuleiðbeiningum
89
þar sem betur færi á að nota ópersónulegt orðalag eða jafnvel óákveðna fornafnið
maður.
I ensku er alsiða að nota 2. pers. í ávarpi sem beint er til ótiltekins fjölda
enda ekki greint á milb eintölu og fleirtölu fornafns 2. pers. Samkvæmt þeirri
venju var í leiðbeiningum sem þýðingadeildin fékk frá IBM í Bandaríkjunum
þegar verið var að þýða S/36 forritin brýnt fyrir þýðendum að vera persónulegir,
t.d. með því að nota you í ávarpi en ekki ópersónulegar setningar. Hér eru dæmi
til skýringar:
Enska:
When you are creating a personal directory, the new Col-
umn Headings you typed are shown on the lower part ofyour
display.
íslenska:
‘Þegar einkanafnaskrá er búin til birtast nýju dálkfyrirsagn-
irnar sem notandinn ritaði á neðri hluta skjásins’.
Hér er valin sú leið að nota ópersónulegt orðalag með þriðju persónu í stað
2. pers. í frumtextanum. Hér er fyrra persónufornafninu alveg sleppt, ‘notandinn’
látið koma í stað þess síðara og að sjálfsögðu er eignarfornafninu (your) sleppt,
en eignarfornafn á ekki við í íslenskri þýðingu. Þar sem ekki er um beinar
leiðbeiningar eða fyrirmæli að ræða fer betur á að hafa þennan hátt á heldur
en að nota beint ávarp í 2. pers. flt. eins og í næsta dæmi. Með þessu móti er
textinn felldur að íslenskri hefð og fátt eða ekkert sem bendir til að um þýðingu
sé að ræða.
Hér er annað dæmi, þar sem notuð er 2. pers. flt.:
Enska:
1. On the Edit display, position the cursor under the first
character of the text you want to copy.
2. Press F1 (Copy).
íslenska:
1. ‘Færið bendilinn undir fyrsta staf í textanum sem á að
afrita á ritfærsluskjánum.’
2. ‘Styðjið á F1 (Afrita).’
I þessu dæmi er ekki vikið frá framsetningu frumtextans í sama mæli og í
fyrra dæminu, enda um bein fyrirmæli að ræða.
»7