Orð og tunga - 01.06.1988, Side 103

Helga Jónsdóttir: Þýðingar á tölvuleiðbeiningum
91
Eða:
‘Ef leita á að einum staf skal:’
1. ‘Styðja á F4 (Leita/staf).’
2. ‘Rita stafinn sem leita á að.’
Þýðendur eru þannig frjálsir hvað varðar málfraeðilegt form textans og fram-
setningu. Þó eru takmörk fyrir því hve langt má ganga í að umbylta textanum. I
dæminu hér að framan væri t.d ekki vel séð að þýðandi tæki upp á því að steypa
töluliðum saman og stokka upp röð þeirra:
1. ? ‘Ritið stafinn sem leita á að, eftir að hafa stutt á F4 (Leita/
staf) á ritfærsluskjánum, ef leita á að einum staf.’
Þarna hefur tímaröðin í leiðbeiningunum raskast. Ef um fleiri liði væri að
ræða gæti lesandinn hæglega týnt þræðinum. I leiðbeiningum af þessu tagi er
einmitt mjög mikilvægt að halda réttri röð, byrja ekki í miðju kafi og verða svo
að rekja þráðinn afturábak (sbr. Lannon 1985:199 o.áfr.)
Stundum kemur þó ekki að sök að draga saman töluliði:
1. ‘Ritið heiti ritsins.’
2. ‘Styðjið á færsluhnappinn.’
verður þá einfaldlega:
1. ‘Ritið heiti ritsins og styðjið á færsluhnappinn.’
Það skal tekið fram að svona rækilega sundurgreindar leiðbeiningar eru sjald-
gæfar.
6.3.2 Hnitmiðun í þýðingum
Nida og Taber (1969:163 o.áfr.) telja að yfirleitt sé góð þýðing nokkru lengri
en frumtextinn. Þetta stafar af því að þýðandinn verður oft að umorða og bæta
atriðum í þýdda textann til að koma boðum frumtextans til skila. Orsakirnar
geta bæði legið í mismunandi setningaskipan tungumálanna og í orðanotkun.
Þeir miða við biblíuþýðingar, en þar er einmitt mjög áríðandi að rétt merking
komist til skila.
Lauslegar athuganir sýna að oft styttist textinn í meðförum þýðenda. Þannig
styttust skýringar við Liðsinna/36 úr u.þ.b. 720 bls. í tæpar 600. Þessu er
sjálfsagt líkt farið með textann á AS/400. Skýringin á þessu er sú að oft má
stytta frumtextann og skerpa orðalagið í þýðingunni. Þetta er eitt af því sem oft
á við um þýðingar um tæknileg efni (sbr. Newmark 1988:152)
T.d. má oft að skaðlausu sleppa orðum og orðasamböndum í frumtextanum.
Hér er dæmi:
Remove the name by using the space bar to type over it.