Orð og tunga - 01.06.2008, Page 129

Fréttir af þingum
119
Ordbok 2014. Markmiðið er að auðvelda söfnun, úrval og meðferð
máls sem ekki er staðlað, en áhersla er líka lögð á að tryggja gæðamat
vinnslunnar og vísindaleg gæði orðabókarinnar.
Önnur söguleg verkefni sem kynnt voru á ráðstefnunni voru lýs-
ing dansk-latneskra orðabóka frá 16. öld, sem er doktorsverkefni
Simons Skovgaards, og hollensk áhrif á mál og menningu á Agder
í Suður-Noregi frá 16. öld og fram á 19. öld. Samband íslenskrar og
norskrar orðabókargerðar var rætt út frá því hvemig orðabók Björns
Halldórssonar nýttist Ivari Aasen þegar hann vann að orðabókum sín-
um.
2.8 Staðan í leikhléi
Það kom mjög skýrt fram á þessum dögum á Akureyri hvað grósk-
an er mikil í orðabókarfræðum á Norðurlöndunum. Eins og fyrri ár
er ráðstefnan mikilvægur vettvangur norrænna orðabókarfræðinga til
að kynna viðfangsefni sín og þar gefst þeim færi á að fylgjast með þró-
un fræðanna á sínu sviði. Þar eru kynnt ný og fyrirhuguð rannsókn-
arverkefni og niðurstöður úr þeim sem þegar hefur verið unnið að.
í mörgum verkefnum er verið að ryðja nýjar brautir á alþjóðavísu.
Hér hittast reyndir og þekktir orðabókarfræðingar og ungir fræði-
menn sem eru að leggja inn á vísindabrautina. Margir hafa hér haldið
sinn fyrsta fyrirlestur í alþjóðlegu samhengi, sumir jafnvel komið fram
opinberlega í fyrsta sinn. Aðrir miðla reynslu sem þeir hafa öðlast á
langri starfsævi, sem helguð hefur verið orðum og orðabókum.
Hér hefur aðeins verið drepið lauslega á sumt af því sem rætt var á
ráðstefnunni en engu verið gerð fullkomin skil. Eitt finnst mér þó sér-
staklega vert að taka fram. Það er vaxandi meðvitund um gæðamat
og mikilvægi þess að tryggja vísindaleg gæði við gerð norrænna orða-
bóka, bæði hvað varðar orðabókarvinnsluna og hinar tilbúnu orða-
bækur. Þetta er mjög mikilvægt atriði, og þessi þróun á eflaust eftir
að styrkja og efla ný verkefni og ala af sér góðar orðabækur og fram-
úrskarandi orðabókarfræðinga í framtíðinni. Það verður fróðlegt að
fylgjast með norrænni orðabókarfræði í framtíðinni.