Skagfirðingabók - 01.01.2016, Blaðsíða 72

SKAGFIRÐINGABÓK
72
eða fjórum mánuðum áður en ég fæddist.
Þetta var ósköp þægilegt, því að enginn
var til að vitna á móti. Þegar ég var orðinn
fullorðinn vissi ég eða fékk vitneskju um
að ég var ekki rétt feðraður.
Um vorið [1888] vorum við móðir
mín og ég, flutt hinum glæsilegasta
hreppaflutningi norður í Fljót, þar átti
móðir mín sveit. Flutningurinn hefur
sjálfsagt farið fram á þess tíma vísu. Að
hreppstjórinn í Staðarhreppi sendir okkur
hreppstjóranum í Sauðárhreppi, sá til
hreppstjórans í Rípurhreppi og svo koll
af kolli þar til hreppstjórinn í Holtshreppi
tekur við þessari sennilega óvelkomnu
sendingu. Um þetta ferðalag veit ég ekkert
nema síðasta áfangann úr Fellshreppi að
Ysta-Mói í Holtshreppi, það hef ég eftir
gamalli konu sem þá var vinnukona á
Ysta-Mói og ég kynntist löngu síðar. Sagði
hún mér að þá leið frá Felli „en þar bjó
hreppstjórinn í Fellshreppi“ hefði ég verið
borinn í millipilsi, kannski í millipilsi af
móður minni, hún hafi ekki haft annað
handbært, og vafið því utan um drenginn
sinn síðasta spölinn að ákvörðunarstað.
Á Ysta-Mói bjó hreppstjóri Holts-
hrepps, eins og áður er að vikið. Fljót
voru þá einn hreppur og nefndur eftir
höfuðbólinu Stóra-Holti, þar sem síðasti
goðorðsmaður Fljótamanna bjó; síðar
var Fljótum skipt í tvo hreppa. Árni
hét hann Þorleifsson hreppstjórinn í
Holtshreppi [tengdafaðir Jóns á Haf-
steinsstöðum], kallaður hinn ríki af
smælingjunum í Fljótum, en þeir voru
margir smælingjarnir sem bjuggu þar
í þá tíð. Þegar að Ysta-Mói kom var öll
Timburhúsið á Hafsteinsstöðum þar sem Hannes fæddist. Það var byggt 1885. Á hlaðinu
standa Jón Jónsson hreppstjóri í „uniformi“ sínu og kona hans Steinunn Árnadóttir frá Ysta-
Mói. Myndin er líklega tekin 1914 eða 1915 en bærinn stóð fram um 1950.
Ljósm.: HSk. Atb. 3598.