Skagfirðingabók - 01.01.2016, Blaðsíða 89

89
JÓN GUÐBRANDSSON SAURBÆ Í FLJÓTUM
SJÓFERÐ Á SINDRA Í MAÍ 1922
GUÐBRANDUR ÞÓR JÓNSSON SKRÁÐI
JÓN GUÐBRANDSSON (1903–1979) ólst upp í Saurbæ í Fljótum, sonur Guðbrands Árnasonar bónda
þar, og Þuríðar Jónsdóttur. Jón tók við búinu af foreldrum sínum 1928 og bjó í Saurbæ til 1976. Hann
var til sjós á yngri árum, eins og títt var um Fljótamenn, bæði á hákarla- og þorskveiðum. Jón var
vel lesinn og góður sögumaður og skrifaði talsvert, bæði þætti í Skagfirskar æviskrár og aðrar greinar,
m.a. í Dýraverndarann. Þáttur hans er í Skagfirskum æviskrám 1910–1950 VII, 112–118. Vorið 1922
réði Jón sig á mótorkútterinn Sindra EA 357 frá Akureyri. Þeir lentu í mannskaðaveðri við Horn,
en komust við illan leik til Patreksfjarðar. Frásögn Jóns af þessum atburðum er í eigu Guðbrandar
Þórs. Orðalagi er hnikað á stöku stað, fáeinar skýringar felldar í hornklofa en aukið í nokkrum föður-
nöfnum sem vantaði í frumrit. Greinarmerkjasetning er færð að háttum bókarinnar.
Ritstjórn.
VETURINN 1922 hafði verið allgóður
hér um Norðurland, en breytti tíð
úr sumarmálum svo vorið er í hönd
fór varð eitt hið mesta óstillinga- og
slysfaravor til sjávar er komið hefir á
þessari öld. Saltfiskverð hafði hækkað
svo útgerðarmenn mönnuðu mjög skip
sín á handfæraveiðar; voru talsmenn
þeirra smalandi mannskap hér um Fljót
og víðar allan seinni hluta þess vetrar.
Eg sem þessar línur rita, var ráðinn á
mótorkútterinn Sindra. Eigandi hans
var Gunnar Snorrason útgerðarmaður
á Akureyri. Frásögn þessi mun lýsa
mannskaðaveðri því er gekk yfir Norður-
og Vesturland frá 12.–14. maí 1922,
og fylgja Sindra af fiskimiðum vestur
og fram af Horni í höfn. Saga hans
var saga svo margra skipa í þeim garði,
mörg komust naumlega í höfn, nokkur
sáust aldrei framar, en sár munaðarlítilla
kvenna og barna blæddu á ókomnum
árum eftir þann feikna mannskaða er
garður þessi skildi eftir.
Áhöfnin á Sindra var þessi: Skipstjóri
Baldvin Þorsteinsson frá Stóru-Há-
mundarstöðum á Árskógsströnd, stýri-
maður Jónas Sigfússon frá Hrísey,
fyrsti vélstjóri Magnús Þorsteinsson
frá Upsum, annar vélstjóri Þorvaldur
Árnason frá Rauðuvík, matsveinn Pétur
frá Dældum á Svalbarðsströnd, hásetar
Hermann Árnason frá Rauðuvík, bróðir
Þorvaldar, bræðurnir Friðfinnur og
Gunnar Níelssynir frá Birnunesi, Björn
sonur Baldvins skipstjóra; var þetta