Skagfirðingabók - 01.01.2016, Blaðsíða 146

SKAGFIRÐINGABÓK
146
mjög brattur og því erfiður hlöðnum
vörubílum. Bíllinn á myndinni er
Chevrolet árgerð 1959 og er myndin
tekin í október það ár. Eigandi og bílstjóri
var Georg Hartmann Guðlaugsson
(1927–2011), sonur Guðlaugs Sigurðs-
sonar pósts á Siglufirði, sem getið er hér
að framan. Georg keypti bílinn nýjan og
komu þrír slíkir til Siglufjarðar þetta ár.47
Vegagerðinni að Strákagöngum að
vestan lauk að mestu haustið 1966 og
sumrin 1966 og 1967 var vegurinn
frá Strákagöngum inn á Siglufjörð
byggður upp. Sumarið 1982 var hann
endurbyggður svo að leggja mætti á
hann slitlag.48
Strákavegur breytti miklu um
samgöngur við Sauðanes
ÞÓTT STRÁKAVEGUR væri mikil sam-
göngubót fyrir Siglfirðinga, Fljótamenn
og aðra, sem til og frá Siglufirði þurftu
að komast, var vegurinn þó enn meiri
hagræðing varðandi samgöngur fyrir
vitavörðinn á Sauðanesi, sem lengi hafði
búið við mjög slæmar samgöngur og
erfiða aðdrætti. Vitaskip kom tvisvar á
ári, vor og haust, með vistir og rekstrar-
vörur og sæta varð þá lagi því lending er
slæm á Sauðanesi.
Til Siglufjarðar var um fjórar leiðir
að velja: Sjóleiðis ef gaf og flytja þurfti
vörur frá Siglufirði, en oftast var lagt
land undir fót og þá farið inn Engidal
um Gjár og Engidalsskarð og komið
niður í Hvanneyraskál. Þriðja leiðin var
um fjárgötur framan í Strákum, sem oft
voru farnar. Fjórða leiðin var að fara
með sjónum á fjöru en eftir að Trausti
Magnússon kom í Sauðanes 1959 var
hætt að fara þessa leið vegna hættu á
grjóthruni. Áður var hún nokkuð farin.
Það var ekki öllum hent að fara
fjárgöturnar framan í Strákum en Trausti
taldi lítið mál að fara út fyrir Strákafjallið,
hver sem væri gæti farið þarna yfir, en
auðvitað væri betra að þekkja leiðina.
Einu sinni voru þeir Jóhann Lúðvíksson
og Gísli Felixson staddir á Sauðanesi.
Þeir þurftu að komast til Siglufjarðar og
vildu fá bíl með sig þangað. Trausti taldi
það óþarfa vesen og sagði: „Nú farið þið
bara Strákana, það er gott veður og ég
skal fara með ykkur.“ Við gengum svo
út að Landsenda. Þar fór ég að gera að
gamni mínu, settist niður á þúfu og sagði
þeim að bíða aðeins því ég myndi ekki
almennilega hvar við ættum að fara. Ég
Verið að vinna með International BTD-
20 jarðýtu Björns Runólfssonar í veginum
Siglufjarðarmegin í ágúst 1966.
Ljósm.: Sigtryggur Jón Björnsson.