Skagfirðingabók - 01.01.2016, Blaðsíða 127

SIGLUFJARÐARSKARÐ OG STRÁKAVEGUR
127
tillögum sínum um framkvæmd þessa
verks, og þannig sem ráðgjafi ríkisvalds-
ins í þessum málum, síður en svo flýtt
fyrir málinu. Í tíð V-stjórnarinnar, þegar
Framsóknarmenn höfðu aðstöðu til að
fylgja málinu fram, heyrðist hvorki hósti
né stuna frá þeim um málið, enda sváfu
þeir á því, uns V-stjórnin var öll.“25
Þannig litu sjálfstæðismenn á málið.
Hins vegar kemur víða fram í heimildum
að framsóknarmenn og menn annarra
flokka lögðu málinu lið. Má þar til nefna
framsóknarmanninn Ólaf Jóhannesson
(1913–1984) og alþýðuflokksmanninn
Jón Þorsteinsson (1924–1994), sem
fluttu tillögu um að frá 1. janúar 1962
skyldu 3 aurar af hverjum bensínlítra
renna til greiðslu kostnaðar við jarð-
gangagerð. Tillaga þessi fékkst ekki sam-
þykkt á þinginu vegna þess að Einar
Ingimundarson og flokksbræður hans
vildu ekki samþykkja hana.26
Nokkur orð um landið
sem vegurinn liggur um
ÁÐUR EN LENGRA er haldið er rétt að
gera nokkra grein fyrir því landi sem
Strákavegur liggur um. Vegurinn er
nefndur eftir fjallinu Strákum, sem er yst á
Tröllaskaga og Strákagöng liggja gegnum.
Hann byrjar við Heljartröð norðan
Hrauna og liggur norður Almenninga,
yfir Mánárskriður og Úlfsdali að Stráka-
göngum. Úlfsdalir eru kenndir við Úlf
víking og er haug hans að finna austan
vegræsisins á Mánánni. Úlfsdalir voru
árið 1827 lagðir til Hvanneyrarhrepps og
Eyjafjarðarsýslu en áður töldust þeir til
Fljótahrepps í Hegranesþingi. Sýslumörk
voru þá dregin við Almenningsnöf, sem
er innan við Mánárskriður.
Eyðibýlin Þúfnavellir og Hrólfsvellir
eru á Almenningum. Ekki er vitað
hvenær byggð lagðist af á Þúfnavöllum
en á Hrólfsvöllum var búið 1703 en býlið
var komið í eyði 1709.27 Á Úlfsdölum
eru þrjár eyðijarðir: Engidalur, Dalabær
og Máná. Á þeim var búið fram á 20.
öld og mun fólkið að mestu hafa lifað
á sjávarfangi en fengsæl mið voru þar
stutt undan landi. Aðal samgöngur voru
sjóleiðis en einnig voru götuslóðar inn
Almenninga til Fljóta og Dalaleið yfir
Skjöld til Siglufjarðar. Á Dalabæ bjó
lengi Þorvaldur ríki Sigfússon. Hann var
fæddur árið 1800 í Málmey á Skagafirði
og dó 5. september 1879. Kona hans var
Guðrún Þorsteinsdóttir frá Staðarhóli,
fædd 28. febrúar 1800, dáin 22. október
1878. Þau tóku við búi á Dalabæ árið
1827. Afkomendur eiga þau fjöldamarga
en það er önnur saga. Ekki er gott
landbúnaðarland á Úlfsdölum því þar
er knappt um slægjulönd en beitiland
sæmilegt á Mánárdal. Þorvaldur mun
því hafa efnast á hákarlaveiðum eins og
margir á þessum tíma og svo stundaði
hann verslun. Hann átti sextán jarðir,
þegar hann andaðist.28
Slysfarir
HARÐBÝLT VAR á Úlfsdölum en fallegt
um að litast á góðum degi, þegar vel
veiddist, en snjóalög eru mikil til fjalla
og snjóflóð tíð. Tólfta apríl 1919 féll
snjóflóð á bæinn Engidal og fórust sjö
manns. Síðustu slysfarir á landi urðu árið
1935, en þá urðu úti þrír ungir menn.
Það bar svo til að þeir fóru til fjárleitar
inn á Almenninga. Þetta voru Haraldur
Björnsson (1915–1935) frá Siglufirði,
Guðmundur Meyvantsson (1912–1935)