Skagfirðingabók - 01.01.2016, Qupperneq 118

SKAGFIRÐINGABÓK
118
að Árni Pálsson verkfræðingur hafi mælt
vegstæðið sumarið 1940 og komist að
þeirri niðurstöðu að sprengja þyrfti
skarð í klapparhrygginn um 40 metra
langt og allt að 11 m á dýpt. Í Einherja
2. nóvember 1944 birtist viðtal við
Friðgeir Árnason sem nefnist Enn um
Skarðsveginn. Þar kemur fram að hann
hafi veturinn 1943–1944 tekið að sér
með 12 mönnum í ákvæðisvinnu að
ljúka við 70 metra vegarkafla sem eftir
var Siglufjarðarmegin að háskarðinu.
Því verki var að mestu lokið í maíbyrjun
1944. Síðar í viðtalinu, sem væntanlega
hefur verið tekið allnokkru fyrr en það
birtist, segir Friðgeir að nú liggi fyrir
að sprengja niður sjálft Skarðið og lýsir
hann sig þess albúinn að taka að sér
þetta verk um haustið og veturinn ef
áhugi yrði hjá forystumönnum. Í grein
um Siglufjarðarskarð í Siglfirðingabók
II segir að haustið 1944 hafi háskarðið
verið sprengt niður um 12 metra og sé
nú talið 630 metrar yfir sjávarmáli. 10
Fyrstu bílar yfir
Siglufjarðarskarð
ÞÓ VEGURINN yfir Skarðið væri ófull-
gerður og ekki búið að sprengja niður
háskarðið fóru nokkrir fullhugar yfir
það laugardaginn 1. október 1938. Um
morguninn klukkan hálf átta lögðu þeir
af stað frá Siglufirði á fólksbíl, Pontiac
árgerð 1930, með númerinu F 1, áleiðis
til Reykjavíkur.
Aldrei áður hafði bíll farið yfir
Skarðið. Nýi vegurinn var aðeins kom-
inn hálfa leið upp í Skarðið austan
megin en úr því voru ruddar reiðgötur,
víða brattar. Tvo tíma tók að komast upp
í Skarðið og klukkan hálf fimm komu
ferðalangarnir að Hraunum í Fljótum.
Það tók því níu klukkustundir að aka
þessa sautján kílómetra. Allmargir menn
fylgdu bílnum og aðstoðuðu á verstu
köflunum. Þrír bílstjórar frá Siglufirði
voru í ferðinni, þeir Ólafur Helgi
(1905–1959) og Stefán (1914–2002)
Guðmundssynir og Baldvin Kristinsson
(1901–1964). Auk þeirra voru Kristján
Dýrfjörð (1892–1976) rafvirki og Kristján
Ingólfur Sigtryggsson (1906–1982) tré-
smiður. Baldvin ók bílnum.11
Í vísnasafni Sigurðar J. Gíslasonar í
Pontiac-bíllinn uppi á Siglufjarðarskarði
í þessari fyrstu ferð. Baldvin Kristinsson
heldur með vinstri hendi um stýrið, næstur
er Kristján Ingólfur Sigtryggsson og við hlið
hans situr Kristján Dýrfjörð. Ekki hefur
tekist að nafngreina konuna og karlmann-
inn með hattinn en við hlið hans er Friðgeir
Árnason með derhúfu.
Eigandi ljósm.: Jón Dýrfjörð.