Ráðunautafundur - 15.02.1999, Blaðsíða 257

249
tekið úr óbólusettum músum og síðan eftir 1, 2 og 3 bólusetningar. Sex dögum eftir síðustu
bólusetningu voru mýsnar sprautaðar með stórum skammti af viiligerð beta-eiturpróteins og
vörnin í mismunandi hópum metin (3. tafla).
3. tafla. Músabólusetning. Hópar I og 2 voru bólusettir með stökkbrigði R239Q, hópur 3 var bólu-
settur með hefðbundnu blönduðu bóluefni framleiddu á Keldum og hópur 4 var samanburðarhópur
sem fékk saltvatn.
Hópur Bólusett með Fjöldi bólusettra músa Fjöldi lifandi eftir 72 klst. % vörn
1 R239Q + FCA/FIAa) 6 1 17%
2 R239Q + A10Hb) 6 4 33%
3 Blandað bóluefni 6 1 17%
4 Saltvatn 6 0 0
a) Ónæmisglæðir Freund’s adjuvant, „complete" í fyrstu bólusetningu, „incomplete" í seinni
bólusetningum.
b) Ónæmisglæðir AIOH.
Eins og sést á 3. töflu fékkst nokkur vörn í bólusettum hópum miðað við samanburðar-
hópinn. Bólusetning með stölckbrigði R239Q ásamt AIOH virðist gefa besta vöm. Það skal þó
tekið fram að þetta er fortilraun með tiltölulega fáum einstaklingum í hverjum hópi. Af þeim
sökum þarf að fara varlega í að túlka niðurstöður, þó þetta séu ákveðnar vísbendingar.
Vinnu við bólusetningartilraunina er engan veginn lokið. Búið er að þróa ELISA aðferð
til að mæla mótefni í músum gegn beta-eiturpróteini. Fyrir liggur að mæla mótefni í hópunum
fjórum á mismunandi stigum bólusetningar og athuga hvort blóð úr bólusettum músum
verndar óbólusettar mýs fyrir áhrifum beta-eiturpróteins.
Gera má ráð fyrir að endurtaka þurfi bólusetningatilraunir á músum til að fá óyggjandi
niðurstöður. Þegar þessar niðurstöður liggja fyrir verður hægt að hefja bólusetningartilraunir á
sauðfé í völdum hópum.
EFTIRMÁLI
Hér að franran hefur verið reynt að lýsa þeirri leið sem farin hefur verið við rannsóknir þær á
Keldum sem miða að endurbótum á Clostridium bóluefnum. Þetta er eingöngu fyrsta slcref á
langri leið. Samhliða hafa verið könnuð áhrif þau sern hreint beta-eiturprótein hefur á mis-
munandi frumur. Þetta er liður í því að reyna að slcilja betur áhrif einstakra eiturpróteina á líí-
verur. Ýmislegt spennandi hefur komið frarn við þessar rannsóknir, en ekki verður farið nánar
út í þá sálma hér.
Erfðatæknibóluefni eru eftirsótt markaðsvara, þau eru örugg í notkun og auðvelt er að
staðla samsetningu þeirra nákvæmlega. Rannsóknavinna af þessu tagi tekur langan tíma og
kostar mikla peninga og ekki er raunhæft að búast við ódýrum skyndilausnum. Á Keldum
hafa tilraunir með erfðatæknibóluefni verið unnar samhliða því sem unnið er að endurbótum
og nánari stöðlum á bóluefnum sem eru í notkun. Þessi bóluefni hafa verið framleidd lengi og
eru í alla staði ágætis vara, sem gefur góða vörn þegar hún er rétt notuð.