Ritið : tímarit Hugvísindastofnunar - 01.01.2017, Qupperneq 247

246
(3) Matthías er sagður hafa sagt það frekju í Bjarna Randveri að
„fagna því að múslimar fái að biðja bænir í kapellunni“ (og er
hér átt við kapelluna í aðalbyggingu Háskólans). Rétt er að hann
kallaði það frekju að krefjast þess að múslimar hylji ekki krossa
og önnur kristin trúartákn á meðan þeir biðja. Þetta dæmi er
í raun frekar svæsið, því ekki aðeins fer Bjarni rangt með orð
Matthíasar, heldur gerir hann honum líka upp skoðun sem er
nánast óskiljanleg. Af hverju ætti Matthías, orðlagður trúleysingi
og andstæðingur kirkjunnar, að kalla það frekju að fagna því að
múslimar biðji í kristinni kapellu? Svarið er auðvitað að hann
gerði það alls ekki. Það er tilbúningur Bjarna Randvers.63
Í upphaflegum samræðum okkar tiltók ég þó tvö önnur dæmi (en þau eru
þó mun fleiri) sem Guðni sá þó ástæðu til að verja. Hið fyrra er að Bjarni
Randver skrifaði í greinargerð sína að Birgir Baldursson, einn af stofnend-
um Vantrúar, hefði kallað Sigurbjörn Einarsson hund. Ég mótmælti þessu,
enda sést af heimild Bjarna Randvers að svo var ekki – eða í besta falli mjög
misvísandi að segja að svo hafi verið. Athugasemd Birgis féll í umræðum
um réttindi samkynhneigðra þar sem öðrum þóttu viðhorf biskupsins helst
til forn. Birgir kom biskup til varnar og sagði:
Gefum karlinum breik, hann er nú hátt í hundrað ára. Þegar hann
óx úr grasi voru hommahatur og rasismi standard siðferðisviðhorf
og varla hægt að ætlast til þess að svo gamall hundur læri að sitja í
takt við þróun siðferðisviðmiða.64
Að Bjarni hafi sett þetta á lista sinn er misvísandi vegna þess að þegar les-
andi sér að biskup hafi verið kallaður gamall hundur gefur það í skyn að
setningin „Sigurbjörn Einarsson er gamall hundur“ hafi verið sögð – sem
gerðist alls ekki. Þess í stað var Birgir að koma honum til varnar með því
að nota orðatiltæki sem allir þekkja. Birgir kallaði því Sigurbjörn ekki
hund frekar en ég kallaði Guðna biskup ef ég segði um hann enginn verði
slíkur biskup óbarinn.
63 Sjá Matthías Ásgeirsson, „Virðing og hulin trúartákn“, orvitinn.com, 12. nóvember
2009, sótt 15. september 2015 af http://www.orvitinn.com/2009/11/12/17.00/.
Ívitnuð orð Matthíasar má finna í athugasemdum.
64 Upphaflegu athugasemd Birgis má finna hér: http://www.vantru.is/2007/12/24
/14.00/#athugasemd-20071225060345.
ÁSGeiR BeRG MattHíaSSon