Ritið : tímarit Hugvísindastofnunar - 01.01.2017, Blaðsíða 250

249
Hann heldur svo áfram um lok færslunnar:68
Nú eru sumir hugsanlega hugsa ‘Hvaða EMOvæl er ég að lesa?’
Fyrir ykkur þá bendi ég á þennan hlekk. Ég er allavega ekki í tárum
að röfla um hina spaugilegu sviðsframkomu fyrrum barna- og popp-
stjörnuna Britney fokking Spears, ég er einfaldlega að deila minni
persónulegri líðan undanfarnar vikur, því að mér líður bara nokkuð
vel núna til þess að deila því með öllu þessu kunnuga og ókunnuga
fólk sem stöku sinnum gluggar í þessa vefbók.
Hlekkur69 Þórðar vísar svo á frægt myndband sem gekk á netinu á þessum
tíma þar sem maður brast í grát við að koma Britneys Spears til varnar en
hún hafði átt í erfiðleikum á opinberum vettvangi þegar þetta var skrifað.
Það er í raun stórfurðulegt að Guðni hafi valið þetta sem aðalatriði í
vörn sinni fyrir Bjarna. Þetta á nefnilega ekkert erindi við lesendur sem
vilja læra um samskiptastíl í umræðu um trúarbrögð, enda koma þau ekk-
ert við sögu. Í það minnsta bæri Bjarna að útskýra hér samhengið fyrir
lesandanum, því það er langt í frá augljóst hvað læra má af því að tína út
eitt orð úr persónulegri bloggfærslu sem fjallar ekkert um trúarleg málefni
heldur um persónulega líðan höfundarins og erlenda poppstjörnu, og í
besta falli villandi að láta lesandann halda að svo sé, enda birtir Bjarni þetta
án skýringa. Loks má svo færa rök fyrir því að það megi síst læra minna
um samskiptastíl í umræðu með því að sýna lesendum einlægni og bersögli
Þórðar frekar en að einblína á eitt blótsyrði. Að minnsta kosti gefa hvorki
Guðni né Bjarni hér lesandanum tækifæri á því að draga eigin ályktanir,
eins og hin títtnefna aðferð Chomskys krefst.
Trúmenn sem móðgast…
Síðasta atriðið sem ég vil skoða er eitt það grófasta um vinnubrögð Bjarna
Randvers sem ég gagnrýndi í upphaflegum samræðum okkar Guðna,
nefnilega hvernig Bjarni tók orð Matthíasar Ásgeirssonar úr samhengi,
en hinn síðarnefndi hafði látið eftirfarandi orð falla í umræðum um trú og
samkynheigð á spjallborði Vísis árið 2002:70
68 Sama rit.
69 Myndbandið sem Þórður vísar til má finna á https://www.youtube.com/watch?v=
kHmvkRoEowc.
70 http://web.archive.org/web/20021114094457/http://www.visir.is/mbd/?Mival=m
ain&bs=15&br=1&gp=8.1&ot=86449&lr=86858&ao=0.
AF AðFERð CHOMSKYS OG ViNNUBRÖGðUM GUðNA ELÍSSONAR