Þjóðarbúskapurinn - 01.08.1983, Blaðsíða 27
25
Þær vísbendingar, sem fyrir liggja um hag þeirra vörugreina, sem einkum
framleiða fyrir innanlandsmarkað, eru mjög af skornum skammti. Ef að líkum
lætur hefur þó gengisþróunin ráðið mestu um afkomu þessara greina. Einkum á
þetta þó við um þær greinar, sem keppa hvað mest við innflutning. Samanburð-
ur á þróun innlends verðlags og hækkun á verði erlends gjaldeyris leiðir í ljós, að
frá ársmeðaltali 1981 til 1982 hækkaði erlendur gjaldeyrir í verði um nálægt
61%, en hækkun kauptaxta á sama tíma var um 50%. Aðrir almennir
mælikvarðar á þróun innlends verðlags eins og lánskjaravísitala, framfærsluvísi-
tala og vísitala byggingarkostnaðar sýna verðbreytingar á bilinu 51-56%. Af
þessu má ráða, að samkeppnisstaða innlends iðnaðar hafi styrkst og hagur hans
því væntanlega vænkast á síðasta ári. í þessu sambandi er þó rétt að geta þess, að
samanburður við árið 1981 er þeim annmarka háður, að á því ári var
samkeppnisstaða innlends iðnaðar óvenju erfið vegna þess, hve gengi íslensku
krónunnar lækkaði lítið í samanburði við innlenda verðlagsþróun.
Með svipuðum hætti má ráða í afkomubreytingar í innlendum iðngreinum á
þessu ári. Þannig var meðalverð á erlendum gjaldeyri nær 110% hærra á miðju
þessu ári en að meðaltali 1982. Á sama tíma er talið, að launakostnaður hafi
aukist um 60%. Almennar verðlagshækkanir eru hins vegar taldar á bilinu 85-
95% á sama tíma. Með hliðsjón af þessum vísbendingum má því ætla, að
samkeppnisstaða innlends iðnaðar muni batna enn frekar á þessu ári. Á það er
þó rétt að benda, að hér er stuðst við vísbendingar um þróun helstu afkomuþátta
á síðustu misserum en ekki heildaráætlanir um rekstrarstöðu.
Landbúnaður.
Að öllu samanlögðu má segja, að árferðið 1982 hafi verið í meðallagi, hvað
landbúnað varðar. Þó var heldur kaldara en í meðalári og þurrkar háðu sprettu
framan af sumri. Á hinn bóginn töfðu óþurrkar heyskap síðari hluta sumars
norðanlands. Heyfengur var þó svipaður og árið áður. Sauðfé fækkaði á árinu
um 50 þúsund, en bændur voru styrktir sérstaklega til að fækka fé, enda
skuldbyndu þeir sig til að fjölga ekki aftur um sinn. Sauðfjárslátrun var 3,2%
minni en árið áður en fallþungi dilka um 1% meiri. Framleiðsla kindakjöts á
síðasta ári var tæplega 14 þúsund tonn, eða rúmlega 3% minni en 1981.
Innvegin mjólk hjá mjólkursamlögunum nam um 105 milljónum lítra, eða
H/2% meira en árið 1981. Er það nærri 16 milljónum lítra minni framleiðsla en
árið 1978, er hún varð mest. í heild er framleiðsla nautgripaafurða talin hafa
aukist um 2% á síðasta ári, en nautgripaslátrun minnkaði um 2%.
Um aðrar búgreinar má helst nefna, að ræktun garðávaxta og framleiðsla
afurða gróðurhúsa varð heldur minni en árið áður, en kartöfluuppskera jókst
um rúman fimmtung. Á undanförnum árum hefur nýjum búgreinum verið
komið á fót og hefur athyglin einkum beinst að refa- og fiskrækt. Árið 1982 voru
stofnuð 57 ný refabú og eru þau nú orðin 86 á öllu landinu.
Framleiðsla landbúnaðarafurða er í heild talin hafa orðið svipuð árið 1982 og