Þjóðarbúskapurinn - 01.08.1983, Blaðsíða 33

31
Ennfremur er atvinnuleysisskráningin nú frábrugðin því sem var á sama tíma í
fyrra að því leyti, að þá voru konur í meirihluta, eða rétt um 60% atvinnulausra,
en þær eru nú í minnihluta, eða 45% af skráðum atvinnulausum að jafnaði fyrstu
sex mánuði þessa árs. Á Reykjanesi, Suðurlandi og Norðurlandi vestra eru
konur þó enn í meirihluta á atvinnuleysisskrá. Hlutur kvenna í atvinnuleysi á
höfuðborgarsvæðinu er hins vegar tæplega 40%, en var rúmlega 50% á sama
tíma í fyrra, og svipaða sögu er að segja af Norðurlandi eystra.
Tafla 11. Ársfjórðungsleg skipting atvinnuleysis 1979—1983.
Meðalfjöldi á mánuði % af mannafla
1979 1980 1981 1982 1983 1979 1980 1981 1982 1983
1. ársfjórðungur ........... 680 448 703 1 644 1 809 0,7 0,4 0,7 1,5 1,6
2. ársfjórðungur ........... 353 205 277 395 917 0,4 0,2 0,3 0,3 0,8
3. ársfjórðungur ........... 144 313 195 298 . 0,1 0,3 0,2 0,3
4. ársfjórðungur ........... 329 356 455 743 . 0,3 0,4 0,4 0,7
Atvinnuhorfur næstu mánuðina eru fremur óvissar. í þjóðhagsspá fyrir árið
1983 er gert ráð fyrir verulegum samdrætti í þjóðarframleiðslu og -útgjöldum.
Fjárfesting er talin munu minnka annað árið í röð, um 10% á þessu ári, í
kjölfarið á tæplega 4% samdrætti í fyrra. Líkt og í fyrra nær samdrátturinn bæði
til opinberra framkvæmda og fjárfestingar í atvinnuvegunum. Ennfremur er gert
ráð fyrir, að nokkru minna verði byggt af íbúðum á þessu ári en í fyrra. í heild er
byggingarstarfsemi og mannvirkjagerð talin munu dragast saman um 6-7% á
þessu ári.
í ljósi þess, sem hér hefur verið rakið um þjóðhagshorfur, virðist óhjákvæmi-
legt, að þessar aðstæður komi fram með einum eða öðrum hætti í atvinnu. Sú
hefur enda orðið raunin eins og atvinnuleysistölur á fyrri helmingi þessa árs bera
ótvírætt með sér. Þessu til viðbótar má nefna, að á þessu ári er spáð verulegum
samdrætti í einkaneysluútgjöldum — um 9% í heild — og er hætt við, að sá
samdráttur tekna og eftirspurnar, sem í því felst, leiði til minnkandi umsvifa í
ýmsum atvinnugreinum, sem starfa fyrir innlendan markað. Á móti vegur hins
vegar, að samdrátturinn mun væntanlega beinast meira að innflutningi en
innlendri framleiðslu.
Hver niðurstaðan af þessu verður, er erfitt að segja nákvæmlega fyrir um.
Hins vegar er ljóst, að atvinnuástandið á næstu mánuðum og misserum ræðst
ekki hvað síst af stöðu atvinnuveganna og áframhaldandi snurðulausum rekstri
þeirra. Þetta á sérstaklega við um rekstur fyrirtækja í sjávarútvegi, sem fer
auðvitað eftir aflabrögðum og verðlags- og kostnaðarbreytingum innanlands og
erlendis. Allir þessir þættir hafa áhrif á rekstur sjávarútvegsins og þar með á
atvinnuástandið í landinu.