Þjóðarbúskapurinn - 01.08.1983, Page 29

27
fyrra. Útflutningur á ostum hélt áfram að minnka og var fyrri helming ársins
aðeins rúmlega fjórðungur þess sem var á sama tíma í fyrra. Samkvæmt
upplýsingum Framleiðsluráðs landbúnaðarins dróst sala á kindakjöti saman fyrri
helming þessa árs um rúmlega 4% miðað við sama tíma í fyrra. Sala á nautakjöti
minnkaði þó enn meira, eða um 9% á sama tímabili.
Horfur í landbúnaði um þessar mundir verða að teljast fremur dökkar.
Heyfyrningar voru litlar í landinu í vor og horfur á, að heyfengur í sumar verði
víða með lakara móti. Annars vegar vegna langvarandi kulda og ótíðar
norðanlands og austan í vor og hins vegar hafa óþurrkar í sumar tafið heyskap
sunnanlands. Uppskera jarðávaxta verður einnig fremur rýr. Markaðshorfur
erlendis eru dauflegar sem fyrr og vaxtarmöguleikar hinna nýju búgreina eru
takmarkaðir. Pá er enn ekki fullreynt, hvort unnt er að stjórna búvörufram-
leiðslunni með búmarki og fóðurbætisskatti. Með verulegri fækkun sauðfjár -um
150 þúsund eða nær 17% á undanförnum fimm árum- hefur vafalítið tekist að
laga kindakjötsframleiðsluna að nokkru að breyttum markaðsaðstæðum, þótt
enn skorti á að jafnvægi hafi náðst. Hvað landnýtingu varðar, er hins vegar ljóst,
að margar afréttir eru ofsetnar og landgræðsla heldur ekki í horfinu, þótt
nokkuð hafi vissulega áunnist. Þess vegna er mikilvægt, að landgræðsla verði
aukin verulega og dregið úr beit á þeim afréttum, sem ofsetnar eru, bæði með
því að beita ítölu og öðrum aðgerðum. Ennfremur virðist mega draga verulega
úr afréttarbeit hrossa, án þess að afurðir minnki að ráði. Með því mætti létta
töluvert á beitarálagi í landinu.
Aðrar greinar og framleiðslan í heild.
Samkvæmt söluskattsframtölum varð velta í smásöluverslun árið 1982 53% meiri
í krónum en árið áður. Veltubreytingin í heildverslun varð nokkru meiri, eða um
57%. Þessi veltuaukning er lítið eitt umfram almennar verðhækkanir, ef miðað
er við neysluvöruverð í vísitölu framfærslukostnaðar, en verðhækkanir á þann
mælikvarða eru taldar hafa numið rösklega 51% að meðaltali milli áranna 1981
og 1982.
Bráðabirgðauppgjör fjármunamyndunar fyrir árið 1982 gefur til kynna að
umsvif við byggingarstarfsemi og mannvirkjagerð hafi verið svipuð að vöxtum
og árið áður.
Raforkuframleiðsla, mæld í gígawattstundum, jókst um tæplega 10% miðað
við fyrra ár. Mest varð aukningin á raforkusölu til járnblendiverksmiðjunnar, en
hún jókst um fjórðung og almenn notkun um tæp 7%. Þá er talið, að útgjöld til
kaupa á þjónustu hafi vaxið nokkuð að raungildi síðastliðið ár og svipaðrar
aukningar er talið hafa gætt í opinberri þjónustu og nokkur undangengin ár.
Séu þær tölur og áætlanir, sem hér hafa verið nefndar um framleiðslubreyting-
ar í einstökum greinum árið 1982, dregnar saman, verður niðurstaðan sú, að
framleiðslan í heild hafi minnkað um 1,2%. Þessi niðurstaða er svipuð þeirri,