Þjóðarbúskapurinn - 01.08.1983, Síða 32

30
um 55% á móti 45% á öllu landinu. Hins vegar er skipting afar misjöfn eftir
landshlutum. Þannig er skráð atvinnuleysi kvenna innan við 50% af heildinni
bæði á höfuðborgarsvæðinu og á Norðurlandi eystra, en annars staðar mun
meira. Á Vesturlandi lætur nærri, að þrír af hverjum fjórum á atvinnuleysisskrá
séu konur og svipað er að segja um Norðurland vestra og Reykjanes. Á
Austurlandi og Suðurlandi eru tveir af hverjum þremur skráðum atvinnulausum
konur.
Fyrstu sex mánuði ársins 1983 hafa að jafnaði verið skráðir tæplega 30 þúsund
atvinnuleysisdagar á mánuði. Þetta svarar til um 1 360 manns á mánuði, eða um
1,2% af heildarmannafla. Á sama tímabili í fyrra voru að meðaltali rétt rúmlega
þúsund manns skráðir atvinnulausir á mánuði, eða um 0,8% af mannafla. Þegar
jafnframt er höfð hliðsjón af því, að atvinnuleysisskráning í janúar og febrúar í
fyrra var að vissu marki afbrigðileg vegna áhrifa sjómannaverkfalls, virðist
einsýnt, að atvinnuástand hefur slaknað nokkuð á þessu ári. Þetta stafar af
þrennu; að tíðarfar hefur verið erfitt — einkum framan af ári —, afli tregur og
umsvif í greinum, sem anna innlendri eftirspurn, til dæmis í verslun og annarri
þjónustu, hafa verið minni en nokkur undangengin ár, meðal annars vegna
minni framkvæmda og kaupgetu.
Samanburður eftir mánuðum árin 1982 og 1983 leiðir í ljós, að atvinnuleysi
hefur ekki aukist í einum mánuði öðrum fremur. Aukningin virðist svipuð allan
fyrri helming ársins, eða um tvöföldun miðað við fyrra ár. Þessi aukning kann þó
að hluta að stafa af rýmri rétti til atvinnuleysisbóta en áður var.
Tafla 10. Skipting atvinnuleysis eftir landshlutum 1977-1983.
Mcðalfjöldi á mánuði Hlutt'allsleg skipting. %
janúar-júní janúar-júní
1977 1978 1979 1980 1981 1982 1982 1983 1977 1978 1979 1980 1981 1982 1982 1983
Höfuðborgarsvæðið....... 84 100 149 101 130 230 283 527 29 29 40 31 32 30 28 39
Vesturland ................ 16 17 12 13 13 62 98 73 6 5 3 4 3 8 10 5
Vestfirðir.................. 4 7 4 7 1 43 84 16 1 2 1 2 0 6 8 1
Norðurland vestra ......... 39 49 50 40 43 96 102 171 14 14 13 12 11 12 10 12
Norðurland eystra ......... 58 62 80 80 116 152 187 240 20 18 21 24 29 20 19 18
Austurland ................ 37 31 30 29 28 60 83 97 13 9 8 9 7 8 8 7
Suðurland ................. 42 39 34 38 46 65 87 118 15 12 9 11 11 8 8 9
Reykjanes................... 5 36 19 23 29 62 95 119 2 11 5 7 7 8 9 9
Allt landið................ 285 341 378 331 406 770 1019 1361 100 100 100 100 100 100 100 100
Hvað varðar skiptingu atvinnuleysis eftir landshlutum, virðist helsta breyting-
in frá sama tíma í fyrra vera sú, að hlutur höfuðborgarsvæðisins hefur aukist, úr
tæplega 30% í 40% af allri atvinnuleysisskráningu fyrstu sex mánuðina. Aftur á
móti hefur atvinnuleysi minnkað á Vesturlandi og á Vestfjörðum bæði að því er
varðar fjölda skráðra og þar með sem hlutfall af heildinni. Af þeim 340 manns,
sem fjölgað hefur um frá því í fyrra, eru 240 á höfuðborgarsvæðinu, eða 70%, og
120 á Norðurlandi vestra og eystra.