Þjóðarbúskapurinn - 01.08.1983, Page 91

89
Apríl.
Alþingi samþykkti lánsfjárlög fyrir árið 1982. Helstu ákvæði laganna voru þessi:
(a) Fjármálaráðherra er heimilað að taka erlend lán að fjárhæð 674 milljónir
króna og lán á innlendum lánsfjármarkaði að fjárhæð 152 milljónir króna.
(b) Landsvirkjun er heimilað að tala erlend lán að fjárhæð 404,6 milljónir
króna.
(c) Ýmsum sveitarfélögum er heimilað að taka erlend lán til hitaveitufram-
kvæmda samtals að fjárhæð 115,3 milljónir króna.
(d) Framkvæmdasjóði Islands er heimilað að taka erlend lán að fjárhæð 254
milljónir króna.
(e) Ýmsum aðilum er heimiluð erlend lántaka að fjárhæð samtals 127,5
milljónir króna.
(f) Fjármálaráðherra er heimilað að taka erlend lán vegna endurskoðaðrar
lánsfjáráætlunar fyrir árið 1981 er nemi allt að 42 milljónum króna.
(g) Lífeyrissjóðum er gert skylt að verja a. m. k. 40% af ráðstöfunarfé sínu til
kaupa á verðtryggðum skuldabréfum ríkissjóðs, Byggingarsjóðs ríkisins,
Byggingarsjóðs verkamanna, Framkvæmdasjóðs íslands og fjárfestingar-
lánasjóða. Þó skal að minnsta kosti 20% af ráðstöfunarfé lífeyrissjóða á
samningssviði Alþýðusambands íslands varið til kaupa á skuldabréfum
Byggingarsjóðs ríkisins og Byggingarsjóðs verkamanna.
(h) Ríkisstjórninni er heimilað að lækka ríkisútgjöld um 120 milljónir króna á
árinu 1982.
(i) Ýmis ákvæði eru sett um skerðingu lögboðinna framlaga til ýmissa sjóða og
framkvæmda.
Lög nr. 14/1982 um breyting á lögum um almannatryggingar. í lögunum er
kveðið á um álagningu sjúkratryggingargjalds á árinu 1982. Skal gjaldið vera 2%
af gjaldstofni álagðra útsvara umfram krónur 101.250.
Alagningu innflutningsgjalds á bifreiðar og bifhjól var breytt þannig að
gjaldið fari eftir eigin þyngd bifreiðar og sprengirými aflvélar. Gjaldflokkar eru
sex að tölu og nemur gjaldið frá 5% í lægsta flokki að 30% í hæsta flokki
(reglugerð nr. 225/1982).
Aðflutningsgjöld og/eða söluskattur voru felld niður af ýmsum aðföngum tih
samkeppnisiðnaðar (reglugerð nr. 219/1982). Er hér einkum um að ræða ýmsar
dælur og töflur auk rafeinda- og mælitækja.
Sérstakt tímabundið vörugjald (24%) var fellt niður af tölvum og tölvubúnaði
(reglugerð nr. 228/1982).
Sérstök bindiskylda var hækkuð úr 4% í 5% af heildarinnlánum.
Tekin voru upp nokkur nýmæli varðandi verðtryggingu inn- og útlána.
Stofnaður var nýr flokkur verðtryggðra en vaxtalausra innlána með þriggja
mánaða bindistíma og tveir nýir flokkar verðtryggðra útlána. Jafnframt voru
vanskilavextir lækkaðir úr 4 1/2% í 4% á mánuði.