Tímarit Máls og menningar - 01.06.2003, Qupperneq 17

tmm
bls. 15
Jóhann Hjálmarsson
Ljóóastefna
Mér varð hugsað til Audens sem er flestum gleymdur,
(hann gat ekki hætt að ríma);
á Ijóðastefnu í Caracas kannaðist enginn við hann
og því síður Letters from lceland.
Nú minna aðeins prófessorar á hann, kannski í tímum
og stöku sinnum í The Times Literary Supplement
og tveir ungir Bretar reyna að laga sig eftir honum,
að Brodskí, vini hans, gengnum,
með nýjum bréfum úr afkimum jarðar.
ísland er orðið Evrópa og aldrei fjarri
því sem prýða má tískuvæn lönd.
Hingað koma tilvonandi prófessorar og lárviðarskáld,
kurteislegir í viðmóti, en dómgjarnir undir niðri,
í snjáðum gallabuxum og peysum,
beint frá pöbbinum í London
og finna Dublin í Reykjavík
og skáld sem kannski jafnast á við
höfunda Njálu?
Allt er á haus eins og vera ber
og eftirmódernisminn nýkominn
og módernisminn gerði stuttan stans.
Stuðlar aðeins í bergi
(líkt og Gullfoss og Geysir),
minnismerki um arf
sem var brenndur til ösku.
Engan sannan Fönix að sjá við Flóann?
Ath. Ljóð eru stundum hvít lygi. Ljóð eftir W. H. Auden var flutt í
víðfrægri kvikmynd um brúðkaup og jarðarför og skyndilega, eftir að
Ljóðastefna var ort, öðluðust gömul orð eftir Auden nýtt gildi: „Við verðum að elska
hvert annað eða deyja." Það gerðist 11. september eins og allir muna.
J.H.
Jóhann Hjálmarsson (f. 1939) er skáld og bókmenntagagnrýnandi
og blaðamaður á Morgunblaðinu. Síðasta Ijóðabók han's, Hljóðleikar
(2000) var tilnefnd til Bókmenntaverðlauna Norðurlandaráðs 2003.
Úrval úr öllum Ijóðabókum Jóhanns, Með sverð gegnum varír, kom
út hjá JPV útgáfu 2001, með formála eftir Þröst Helgason.