Gripla - 2019, Qupperneq 126
GRIPLA126
andi Maríudýrkun.52 Sorgirnar voru oft taldar sjö: Spádómur Símeons,
flóttinn til Egyptalands, Jesús týnist í musterinu, María mætir Kristi á
Via dolorosa, krossfestingin, síðusár Krists og niðurtaka af krossinum,
greftrun Krists. í kransinum í 461 eru bænirnar fimm og vísa til jafnmargra
sorga (spádómur Símeons, Jesús týnist í musterinu, Kristur fangaður í
Getsemane, krossfestingin, niðurtakan af krossinum). Þær eru aðskildar
með Faðirvori á sama hátt og tíundirnar í rósakransinum.
Bænir innan og utan kirkju
Krosstáknið sjálft er vitaskuld kjarni píslarsögunnar og hefur verið álitið
búa yfir sérstökum krafti og vernd gegn öllu illu. í bænunum í AM 461
12mo kemur það sums staðar fyrir (sjá t.d. hér að ofan, bls. 121–122), vænt-
anlega til að minna fólk á að gera krossmark á tilteknum stað í bæninni.
(Himnabréf og kveisublöð eru líka iðulega með krossmarki og öðrum
verndartáknum, t.d. ferningnum sator arepo tenet opera rotas53 — þau
orð er líka að finna í 461 bl. 15v2–3.) í þessu vísar handritið út fyrir sig,
til ytri veruleika og gjörða þeirra sem nýttu sér það, og í því er, auk kross-
anna, sums staðar að finna leiðbeiningar um hvernig skuli auka mátt bæna.
Þannig segir á bl. 30v1–5:
Ef þú vilt biðja nokkurs, rist þessi orð og lát liggja undir sjö
messum: Jhe[sus, J]ohannes, mediator, mediatrix, medicus, tet[ri, f]
aratum — og haf þessi orð í hendi þér þáttú biður nokkurs og muntu
fá það er þú biður.54
Og á 38v10–12:
Og ef nokkur lætur segja messu af vorri frú, Vultum tuum, yfir þessi
bæn og ber hana á sér, hann skal hafa vináttu af höfðingjum.55
52 Sorgir og fögnuðir Maríu eru algengt efni í íslenskum Maríukvæðum síðmiðalda, sjá
Maríukver. Sögur og kvæði af heilagri Guðsmóður frá fyrri tíð, útg. Ásdís Egilsdóttir, gunnar
Harðarson og Svanhildur óskarsdóttir (Reykjavík: Hið íslenska bókmenntafélag, 1996),
xxxvi–xxxviii. Einn af Maríusöngvunum aftast í 461 er helgaður fögnuðum Maríu, sjá hér
aftar bls. 135.
53 Ásdís Egilsdóttir, „Handrit handa konum,“ 54–55.
54 Sbr. Alfræði íslenzk III, 109–110.
55 Sbr. Alfræði íslenzk III, 116, Íslenskar bænir, 123. Vultum tuum vísar til Introitusvers sem var
sungið við upphaf messu á ýmsum Maríuhátíðum, ekki síst á boðunardegi Maríu.