Heilbrigðisskýrslur - 01.12.1970, Page 142

1970
— 140 —
verið ábyrgur gerða sinna, þegar hann veitti móður sinni áverka með
stunguvopni í maí s.l.“
2. Vottorð Kleppsspítalans, dags. 13. nóvember 1971, um geðheilbrigð-
isrannsókn á ákærða, undirritað af Þórði Möller yfirlækni og ....
lækni. [Samantekt og niðurstaða rannsóknarinnar er á þessa leið] (inn-
gangi sleppt):
„Þetta er 24 ára gamall maður, elztur 10 systkina. Hann er 11 ára
gamall sendur í sveit eftir að hafa lent í höndum lögreglu. Mjög lítið
dvalizt í foreldrahúsum síðan, utan tvo vetur, 1960—’62, sem hann var
í framhaldsdeild ....skóia. Frá 11 ára aldri mestmegnis verið flæk-
ingur á honum. Uppvöxtur fram að því ótryggur, bæði hvað snerti
ytri sem innri aðstæður. Faðir drykkfelldur, ofbeldishneigður og virt-
ist fá útrás í árásum á S. bæði andlega og líkamlega.
Móðirin þorði ekki að skipta sér af samskiptum feðganna, þ. e. faðir-
inn varð þá verri, og tók hún upp þann hátt að láta þetta afskiptalaust,
þótt hún sæi, að S. breyttist frá því að vera fremur glaðvær og varð
bældur og innilokaður, og auk þess hélt hann sig að heiman, þar sem
hann vissi aldrei, hvernig átti að hegða sér, og hafði engan frið. Auk
þess sá faðirinn illa fyrir fjölskyldunni. Matur var af skornum skammti,
svo til árlegir flutningar, lélegt húsnæði og samfara flutningum eilíf
skólaskipti, svo S. gekk lengst í lþg ár í.sama barnaskóla á þessum tíma.
Eftir li/2 árs dvöl í sveit kemur S. aftur til móður sinnar 1960, sem nú
er fráskilin og vinnur úti. Virðist svo sem S. taki að sér föðurhlutverk
heimilisins og jafnframt hegðunarmynstur föður, a. m. k. hvað ofbeldi
og yfirgang snertir, þ. e. hann er orðinn stærstur og sterkastur. Allir
verða að láta að geðþótta hans, annars barðir, en það virðist alla tíð
hafa verið tjáningarform hans. Hefur hann 1 herbergi, en hinir 10
meðlimir fjölskyldunnar skipta með sér afganginum, 2 herbergjum.
Þó gengur allt sæmilega, sé hann látinn óáreittur 0g fái sitt fram. Að
þessum tveim árum liðnum fer móðirin til langdvalar í sveit. Enginn
treystir sér til að taka S. Er hann þá sendur gegn vilja sínum í heima-
vistarskóla í ... ., en kom ekki í skólann aftur eftir jólafrí, þótt hann
hafi gegnt ábyrgðarstöðu sem umsjónarmaður. Fer hann á sjóinn, og
hefur hann mestmegnis stundað sjómennsku síðan, er hann hefur unnið.
Árið 1962, áður en hann fer í . ..., er hann í fiskvinnu á ...., og
bragðar hann þar áfengi fyrst.
Er hann er ekki á sjónum, býr hann einn í herbergi í reiðileysi. Drekk-
ur milli þess, sem hann fer á sjó. Áfengisneyzla eykst og afbrotaferill
hans hefst (1968).
Hvað persónuleika þessa manns snertir, þá hefur aldrei leikið vafi
á því, að hann er haldinn geðvillu af schizoid gerð.
Hann er tilfinningagrunnur, áberandi sljór og kontaktlítill. Kaldar
agressionir hafa greiða útrás, auk þess er hann treggefinn.
Ekkert hefur komið fram kliniskt eða við sálfræðipróf, sem bendir