Studia Islandica - 01.06.1941, Blaðsíða 71
69
mundr sér draummeyna, sem er Elín konungsdóttir, er
hann á að lokum.
Sagan af Sigurði tumara (handr. í Stokkh. 7, arkarbr.)
er um son Vilhjálms Frakkakonungs. Lendir hann í æfin-
týrum, kemur til Grikklands og eignast konungsdótturina.
Sagan af Sigurði þögla (gefin út í Reykjavík 1883) er
um þriðja son Hlöðvis konungs, er lendir í æfintýrum og
á að lokum Sedentíana, er ræður ríkjum í Frakklandi og
er dóttir Flóres og Blankinflúr. Eru rímur ortar út af
sögu þessari.1)
Þjalar-Jóns saga ok Eiríks forvitna (útgefin í Reykja-
vík 1857) er um Eirík, son Vilhjálms Frakkakonungs, og
Þjalar-Jón, son Svipdags konungs í Garðaríki, er lenda í
margs konar ævintýrum, unz Eiríkur fær loks konungsdótt-
urinnar Marsilíu, systur Jóns. Eru Þjalar-Jónsrímur ortar
út af sögunni.2)
Má af þessu sjá, að margar sögur hafa verið sagðar á
14. og 15. öld og síðar, þar sem atburðirnir gerast að
nokkru leyti í Frakklandi eða franskra bókmenntaáhrifa
gætir. Fleiri rímur munu vera til en þær, er hér hafa ver-
ið nefndar, er ortar hafa verið út frá slíkum sögum eða
köflum úr þeim eða atburðirnir látnir að einhverju leyti
gerast í Frakklandi, eins og t. d. rímur af Haraldi Hrings-
bana (í Staðarhólsbók og uppskr. í ÁM. 606, 4to); er aðal-
efni þeirra Trístansminni.3) Rímur Hallgríms Pétursson-
ar um Lykla-Pétur og Magelónu munu og ortar út af
frönsku efni, er borizt hefir um Þýzkaland og Danmörk
með svonefndum „Volksbiicher“ (Folkeböger) til íslands,
og sama máli mun gegna um ýmsar aðrar rímur, er ortar
voru á Islandi á síðari öldum, eins og t. d. rímur af frönsk-
um timburmanni (eftir Eirík Pálsson í Uppsölum í Svarf-
1) Sjá B. K. Þórólfsson: Rímur, 440 o. áfr.
2) Sjá B. K. Þórólfsson: Rímur, 496 o. áfr. Þjalar-Jóns saga var
gefin út með Dámustasögu 1939 í Haarlem (dr.-ritgerð eftir L. F.
Tan-Haverhorst).
3) Sbr. B. K. Þórólfsson: Rímur, 406.