Milli mála - 2020, Blaðsíða 159
Milli mála 12/2020 159
ÞÓRHALLUR EYÞÓRSSON
10.33112/millimala.12.5
setningum í forníslenskum textum. Eftir því sem næst verður komist
eru dæmin sex að tölu (Eiríkur Rögnvaldsson, 1996:60, Jóhanna Barð-
dal og Þórhallur Eyþórsson, 2003:458, Þórhallur Eyþórsson og Jóhanna
Barðdal, 2005:835–836), þar á meðal þessi setning úr Laxdæla sögu:
(22) Höskuldur kvaðst ___ það mikið þykja …
(Íslendingasögur, 1985–86; Laxdæla saga, bls. 1542)
Sögnin kveðast stendur með nefnifallsfrumlagi (Höskuldur) og stýrir
völdunarnafnháttarsetningu með þykja, en sú sögn tekur með sér
þágufall bæði að fornu og nýju (og a.m.k. í nútímamáli er þágufallið
frumlag). Í dæminu í (22) samsvarar eyðan í nafnháttarsetningunni
(táknuð með undirstriki) þágufallsliðnum í sambandinu Höskuldi
þykir það mikið. Lögð skal áhersla á að frumlagseðli nafnliðarins felst
í því að það verður að sleppa honum í slíkum setningum – hann
getur ekki komið þar fyrir, hvorki í fornmáli né í nútímamáli (ótækt
er að segja *Höskuldur kvaðst honum það mikið þykja …).
Því mætti halda fram á móti að dæmin um eyður fyrir möguleg
aukafallsfrumlög í völdunarnafnháttum séu mjög fá og ef þetta væri
raunverulegt formgerðareinkenni á forníslensku væri við því að búast
að það kæmi fyrir í meiri mæli í textum.18 Þessi mótrök eru ekki eins
sterk og kynni að virðast við fyrstu sýn vegna þess að sagnir sem taka
aukafallsfrumlög eru líka frekar sjaldgæfar í völdunarnafnháttum í
nútímaíslensku. Slík dæmi eru samt samþykkt af mörgum íslenskum
málhöfum þegar þeir eru spurðir, t.d. setningin í (21) þar sem þágu-
fallsfrumlagi er sleppt með líða. Flestir aðspurðra fallast á að þessi
setning sé tæk þótt öðrum kunni að finnast hún skrítin eða hafni
henni alfarið.19
(23) Öll dýr eiga rétt á því að ___ líða vel.
18 Sjá umræðu um fæð dæma í forníslensku til að skera úr um hvort tiltekinn aukafallsnafnliður er
frumlag eða ekki hjá Kristoffersen (1991:89), Mørck (1992:95) og Faarlund (2001:127–29).
Mótrök gegn þessum vangaveltum er m.a. að finna hjá Eiríki Rögnvaldssyni (1996:50 o.áfr.)
19 Í könnun á dómum íslenskra málhafa um setningar með ósögðum aukafallsfrumlögum var setn-
ingin í (23) metin tæk af 72,4% þátttakenda (Höskuldur Þráinsson, Matthew Whelpton og
Jóhannes Gísli Jónsson, 2015:347, tafla 16.14). Aftur á móti taldi 12,1% þátttakenda setninguna
ótæka en óvissir voru 15,5%.