Milli mála - 2020, Blaðsíða 284

284 Milli mála 12/2020
AMALIA LEITAR UNNUSTA

10.33112/millimala.12.13
Síðasti elskhugi minn, Felipe, elskaði nafn mitt meira en persónu-
leika. Með hverjum varstu þegar þú skrifaðir Tuttugu kossar fyrir Isoldu?
spurði hann mig þessa rigningarnótt í maí þegar við borðuðum
kavíar í vel útilátinni kvöldmáltíð fyrir tvo sem ég hafði pantað. Við
höfðum kynnst á Los búhos hótelinu og lofað að elska hvort annað að
eilífu. Það var hrollkalt. Tárvot sór ég eiðinn ástríðufull. Felipe hafði
logið. Hann var niðurlútur og sakbitinn eins og viðkvæmt barn. Ég
fann til samúðar með honum en meðaumkunin breyttist í logandi
ástríðu um leið og hann þrýsti mér upp að veggnum og kyssti mig.
Hann kyssti svo vel.
Saman skrifuðum við ástarsögu sem innblásin var af hinni frægu
keisaraynju Sissi.3 Burt með þetta, lagaðu hitt, sagði hann í sífellu við
mig í gegnum strembið ferlið við að koma þessari sögu saman. Ég
veit ekki hvort hjálp hans var nokkurs virði. Sannleikurinn er sá að
Felipe flutti í kjölfarið til Frakklands. Hann fékk vinnu við að skrifa
bókmenntadálka fyrir vel þekkt síðdegisblað. Hann taldi sig hafa
fundið köllun sína með mér. Ég hélt að hann hefði tekið handritið
mitt með sér, en hann sýndi lágmarks háttvísi. Handritið var ósnert
en ást hans hafði ég glatað.
Fyrirmyndina á ég ekki langt að sækja.
Constantína frænka mín, sem er rétt rúmlega áttræð, tilkynnti
mér í síðasta bréfi sínu að hún væri ástfangin af sextán ára unglingi.
Hún segist líta til með honum, greiða þykkt hár hans eftir hverja
baðferð, útbúa fyrir hann sérstakt fæði sem samansett er úr kornmeti
og ristuðu brauði svo hann fái ekki bólur á vangann.
Frænka kann að vera komin til ára sinna en hún kann að daðra
þrátt fyrir árin áttatíu og er enn fær um að valda hneykslan þegar
hún stingur sér til sunds í tópaslituðum baðfötum. Það er sannarlega
þess virði að fylgjast með henni. Hún er eins og höfrungur þegar
höfuð hennar rís og hnígur í hafið. Samtímis kljúfa sterkir hand-
leggir hennar öldurnar og fleyta henni óðfluga að marki sínu við
sjóndeildarhring. Hún hefur alltaf verið svona kröftug.
Ég þrái að verða ástfangin. Ungi kraftlyftingamaðurinn, Óþelló,
sem býr á 14. hæð, virðir, eða virðist á stundum virða mig fyrir sér.
3 Vísað er til Isabel Amaliu Eugenia (1837–1898), keisaraynju af Austurríki.