Milli mála - 2020, Blaðsíða 261
Milli mála 12/2020 261
HJÖRLEIFUR RAFN JÓNSSON
10.33112/millimala.12.14
svífur yfir sögunni Matsí. Sídaóruang hefur gefið út sjö smásagna-
söfn, fimm skáldsögur og sex greinasöfn, auk þess að hafa þýtt ýmsar
bókmenntir yfir á taílensku.
Matsí er um margt merkileg saga sem olli nokkurri hneykslun
þegar hún var fyrst birt í tímariti árið 1985.2 Aðalpersónan er aldrei
nafngreind, nema óbeint með heiti sögunnar. Matsí (stundum líka
Maddí eða Matrí) er nafn eiginkonu Vesandons Prins í Jataka-sög-
unum sem fjalla um fyrri líf Búdda. Jataka útleggst sem fæðingar-
sögur og snúast þær um margbrotinn lífsferil Búdda í gegnum
nokkur æviskeið. Gotama Búdda er sá fjórði en sá fimmti verður
Maitreya Búdda. Vesandon Prins ólst upp við allsnægtir, giftist svo
hinni fallegu Matsí og þau eignuðust tvö börn. Prinsinn er óvenju-
legur, hann skortir algjörlega ágirnd eða sjálfhverfu og er þess í stað
einstaklega örlátur, og seinna meir fær hann hugljómun og verður
Búdda. Betlari nokkur biður prinsinn um að gefa sér börnin tvö og
það gerir hann umhugsunarlaust. Annar biður um konu hans, Matsí,
og hann gefur hana frá sér líka. Guðirnir sjá hvað fram fer, blanda sér
í málið og Vesandon fær síðar aftur börn og eiginkonu og erfir
konungsríkið.
Örlæti eða gjafmildi er hampað sem kjarnaboðskap búddisma.
Það að gefa af eigum sínum til góðs leiðir til góðs karma en karma
veltur á uppsöfnuðum afleiðingum góðra og illra athafna, hugsana,
og ætlana yfir mörg lífshlaup. Fólk og aðrar verur eru öll á ferð í
gegndarlausri hringrás endurfæðinga sem það losnar ekki endilega
úr. Þess vegna er mikils virði að gera góðverk, sérstaklega í formi
örlætis gagnvart búddahofum og stuðningi við munka. Gott karma
leiðir til endurfæðingar í betri stöðu en áður, vont karma getur af sér
líf þjáninga, sorga og erfiðleika. Fólk þarf tilsögn varðandi rétt og
gott líferni og fer því í hofin til að heyra munkana predika. Það að
hlýða á predikanir og að gefa til hofa eykur verðleika (t. bun, e. merit)
fólks.3 Gjafmildi og gott athæfi auka verðleika fólks og gefa til kynna
karmastöðu þess.
2 Sagan var birt í tímaritinu High-Class (ไฮ-คลาส) árið 1985. Hún var svo endurbirt í bók höfundar,
Matsi, smásagnasafni, gefið út af Thantawan forlagi í Ayutthaya 1987, og úr þeirri bók er þýð-
ingin unnin. ศรีดาวเรือง มัทรี: รวมเร่ืองส้ัน สำานักพิมพทานตะวัน อยุธยา 2530 (1987), bls. 113–21.
3 Ég nota orðið „verðleika“ í merkingunni „það sem maður á skilið“ (sbr. að verðleikum), sem mæli-
kvarða á karmainnistæðu hvers og eins.