Þjóðmál - 01.06.2020, Page 5

ÞJÓÐMÁL Sumar 2020 3
Ritstjórnarbréf
Dýri kunnáttumaðurinn og
réttarkerfi tilfinninganna
Við kaup olíufélagsins N1 á verslunarkeðjunni
Festi gerðu stjórnendur félagsins sátt við
Samkeppniseftirlitið, í þeim tilgangi að
klára viðskiptin. Til að fylgjast með því að
skilyrðum í þeirri sátt yrði fylgt eftir var
skipaður sérstakur kunnáttumaður til verksins.
Markaðurinn, fylgirit Fréttablaðsins, greindi
frá því í mars á þessu ári að kostnaður af
störfum þessa sérstaks kunnáttumanns hefði
numið um 33 milljónum króna á síðasta ári
en um 40 milljónum króna frá því að hann
var skipaður. Það gera tæplega þrjár milljónir
króna á mánuði að meðaltali. Um svipað leyti
var upplýst að sérstakur kunnáttumaður, sem
skipaður var um svipað leyti til að hafa eftirlit
með sátt Haga við Samkeppniseftirlitið vegna
samruna við Olís, hefði einungis innheimt um
fimm milljónir króna fyrir sína vinnu.
Kunnáttu maður Festar reynist, samkvæmt
þessu, átta sinnum dýrari.
Sumir halda að íslensk stórfyrirtæki hafi mikil völd. Í raun er það þó þannig að fyrirtækin og stjórnendur þeirra mega sín
lítils þegar ríkisvaldið er nálægt. Spyrjið bara þá sem hafa þurft að eiga við Samkeppniseftirlitið á undanförnum árum.