Þjóðmál - 01.06.2020, Page 10

8 ÞJÓÐMÁL Sumar 2020
III.
Forsetakosningabaráttan var lágsigld á tíma
COVID-19-faraldursins. Þá lá fyrir frá upphafi
að Guðmundur Franklín Jónsson átti enga
sigurvon.
Guðni Th. Jóhannesson kom úr háskóla-
samfélaginu þegar hann bauð sig fram árið
2016 og áhorfendur ríkissjónvarpsins þekktu
hann sem álitsgjafa. Sem forseti hefur Guðni Th.
lagt sig fram um að skírskota til þjóðarinnar
allrar eins og honum er skylt. Kannanir sýna
að honum hefur tekist þetta vel og í viðtali
við vinstri-vefsíðuna Stundina í tilefni af
kosningunum nú sagði hann:
„Ég hef einsett mér að láta embættið ekki
stíga mér til höfuðs.“
Þessi setning endurspeglar lítillætið sem
hann sýnir að jafnaði í opinberri framgöngu.
Í sjónvarpsþætti kvöldið fyrir kjördag var
minnt á að Vigdís Finnbogadóttir hefði sem
forseti lagt áherslu á skógrækt og Ólafur
Ragnar Grímsson hefði beitt sér í norðurslóða-
málum. Spurt var hvort Guðni Th. hefði
ekkert sambærilegt forgangsmál. Hann
sagðist hafa notað fyrsta kjörtímabilið til að
íhuga hvað það ætti að vera, líklega yrðu það
lýðheilsumál. Hann fór daginn eftir á reiðhjóli
frá Bessastöðum á kjörstað í Álftanesskóla.
Í tilefni af hjólaferð Guðna sagði Guðjón
Jensson á Facebook 27. júní 2020:
„Það er aðdáunarvert hve Guðni sýnir sínar
bestu hliðar. Hann er alþýðlegur og vill
gjarnan deila gæðum með okkur öllum.
Dagur B. Eggertsson sýndi einnig á sér
hliðstæða hlið þá hann kom hjólandi á fund
varaforseta BNA í Höfða. Öryggisverðir hans
vildu ekki trúa því að þarna færi borgar-
stjórinn í Reykjavík.
Auðvitað fer þetta fyrir brjóstið á hægri
intelligensíunni en það verður að hafa það.
Guðni og Dagur sýna af sér gott fordæmi!“
Óljóst er til hvers höfundur vísar með „hægri
intelligensíunni“. Hvergi var þess vart að
nokkur vekti máls á einhverju vegna hjóla-
ferðar forsetans eða léti myndir af honum
með hjálminn trufla sig. Færslan á Facebook
er dæmigerð fyrir margt innantómt sem þar
var sagt vegna forsetakosninganna.
Rætt var við Guðmund Franklín í fréttum
ríkissjónvarpsins 27. maí 2020 og þar sagði
hann helsta eiginleika sinn af fjölmörgum að
„tala frá hjartanu“. Hann byði sig fram fyrir
þjóðina eingöngu og hefði ekki neina þörf
„fyrir bitlinga eða að hitta eitthvert frægt
fólk“. Þriðji orkupakkinn hefði verið kveikjan
að framboði sínu og ætlun sín væri að standa
gegn frekari skrefum á þeirri braut.
Guðmundur Franklín beitti sér á sínum tíma
fyrir undirskriftasöfnun gegn staðfestingu
laga í tengslum við 3. orkupakkann. Alls
mótmæltu 7.643 á netinu og 5. september
2019 afhenti Guðmundur Franklín forseta
Íslands mótmælin með ósk um að hann beitti
26. gr. stjórnarskrárinnar til að efna til þjóðar-
atkvæðagreiðslu. Guðni Th. gerði það ekki.
Að lokakafli pólitísku furðusögunnar um 3.
orkupakkann sé forsetaframboð Guðmundar
Franklíns gegn Guðna Th. Jóhannessyni sýnir
að ekki þarf alltaf þýðingarmikil mál á
stjórnmálavettvangi til að velta þungu hlassi.
Orkupakkamálið var blásið út fyrir öll skyn-
samleg mörk. Útreið Guðmundar Franklíns í
forsetakosningunum ætti endanlega að jarða
þetta deilumál.
Guðmundur Franklín Jónsson