Þjóðmál - 01.06.2020, Page 53

ÞJÓÐMÁL Sumar 2020 51
Heim kominn á Sauðárkrók eftir erfiða vist
í sveitinni tók hann fullnaðarpróf eftir tvo
vetur á unglingaskólanum og þar með var
eiginlegri skólagöngu lokið.
Ottó varð snemma framtakssamur og smíðaði
sér fótstiginn rennibekk. Löngu síðar sagði
hann svo frá að bekkinn hefðu þeir bræður,
hann og Franch, síðar úrsmiður, stigið grimmt
hvenær sem færi gafst og rennt lappir undir
dívana, stóla og borð. Framleiðsluna hefðu
þeir síðan selt smiðunum á staðnum og
þénað drjúgt.4 Timbrið fengu þeir að hluta til
úr vörukössum frá föður sínum og úr þeim
smíðuðu þeir kassabíla þegar markaðurinn
fyrir stól- og borðfætur var mettaður. Í tvo
vetur smíðaði Ottó einnig skíði og fékk
til þess aðstöðu í líkhúsinu á Króknum.5
Fimmtán ára hóf hann störf í vegavinnu
á Öxnadalsheiði og þar hertist hann og
styrktist næstu árin í viðureigninni við grjótið.
Ottó A. Michelsen árið 1981 (Ljósm. Jóhannes Long).