Múlaþing: byggðasögurit Austurlands - 01.01.2012, Page 9

Minningarorð
Guðgeir Ingvarsson
f 28.febrúar 1946 - d. 14. febrúar 2012
Guðgeir Ingvarsson var fæddur á Desjarmýri í Borgarfirði eystra. Guðgeir stundaði
nám við Flensborgarskóla og síðan Gagnfræðaskólann á Akureyri og Menntaskólann
á Akureyri og lauk stúdentsprófí þaðan vorið 1966. Hann stundaði nám í ensku við HI
1966-67 og við Kennaraskóla Islands næsta vetur og lauk kennaraprófi vorið 1968.
Síðan lá leiðin til Danmerkur þar sem Guðgeir var við nám í Den sociale Hojskole í
Oðinsvéum árin 1971-74 og lauk þaðan prófi sem félagsráðgjafi.
Guðgeir var kennari við Bamaskóla Keflavíkur 1968-69 og vann á Skrifstofu ríkis-
spítalanna 1969-70. Starfaði sem félagsráðgjafi við Sálfræðideild skóla í Reykjavík
1974-79. Félagsmálastjóri á Akranesi 1979-86 og á Egilsstöðum frá 1986-1999. Vann
við ráðgjafarstörf í skólum á Akureyri 1999-2000 og árið eftir sem félagsmálastjóri
og kennari á Fáskrúðsfirði og fékkst síðan við kennslu í Fellabæ. Guðgeir vann tvö ár
sem blaðamaður á Austra. Hann starfaði síðari árin og til æviloka við Héraðsskjalasafn
Austfírðinga, samtals í um hálfan annan áratug.
Guðgeir var virkur í hinum ýmsu félagsstörfum, m.a. var hann félagi í Lionsklúbbnum
Múla á Fljótsdalshéraði enda átti kjörorð Lionshreyfingarinnar „við hjálpum“ vel við
þann mann sem Guðgeir hafði að geyma. Hjálpsemi í garð náungans var honum í
blóð borin. Guðgeir var vel hagmæltur og átti auðvelt með að kasta fram ferskeytlum
í góðra vina hópi og átti nokkuð við frekari ljóðagerð. Hann var vel að sér um náttúru
íslands, t.d. var hann slyngur í að greina íslenskar jurtir. Guðgeir hafði mikinn áhuga á
íslenskum fræðum. Sú vitneskja sem liggur í skjölum þeirra sem gengnir eru var honum
hugleikin. Hann hafði unnið upp til prentunar nokkrar greinar úr skjalasafni afa síns
séra Ingvars Sigurðssonar á Desjamýri og birtist ein þeirra í þessu hefti Múlaþings.
Einnig hafa birtst greinar eftir Guðgeir í Múlaþingi sem hann skrifaði eftir grúsk og
heimildavinnu. Guðgeir aðstoðaði við prófarkalestur nokkurra hefta Múlaþings og
á meðan eldri hefti Múlaþings voru í geymslu í húsnæði Héraðsskjalasafnsins sá
Guðgeir um að selja þeim sem til hans leituðu þau hefti sem viðkomandi vantaði.
Ritstjóm Múlaþings vill þakka Guðgeiri fyrir hans störf í þágu Múlaþings sem hann
vann ætíð af alúð og vandvirkni.
Ritstjórar
7