Múlaþing: byggðasögurit Austurlands - 01.01.2012, Síða 119

Víðidalsferð í ágúst 1981
I tjaldstað á Grund í Víðidal. Sól gyllir Kollumúla, 26. ágúst.
og búist til brottferðar. Var Veðurstofa íslands
farin að impra á því að suðaustlægar áttir gætu
verið í uppsiglingu.
Við höfðum fram að þessu verið mest
norðan Hofsjökuls þeirra Alftfírðinga, en
settum nú stefnuna sunnan jökulsins. Héldum
við út dalinn og hækkuðum okkur smátt og
smátt í brekkunum. Nokkur gil voru á leið
okkar, en ekki erfíð yfirferðar. Urðum við að
vaða þverána Morsa, sem er grýtt og straum-
hörð, og nokkuð vatnsmikil vegna rigninga
síðsumars.
Lögðum við síðan ótrauðir í brattar brekkur
og vorum um hádegi komnir á þann stað, sem
heitir Sandhólar. Héldum við svo í skarðið
austan undir Hofsjökli. Var þama sæmilega
slétt og gott að ganga. Gengum sums staðar
á hjami. Lágu þarna í slóð okkar ýmsir fagrir
steinar, en ekki töldum við okkur hafa þrek
til að þyngja bagga okkar óhóflega. Munu
þessir dýrgripir því líklega flestir liggja þama
ennþá óhreyfðir.
Granar mig þó að pokar þeirra Guðmundar
og Hjartar hafí þyngst eitthvað.
Ari átti reyndar von á að fínna betri steina-
námu neðar, en við hittum aldrei á hana. Enda
kominn þokuslæðingur og rigndi dálítið með
köflum. Fóru sumir í regnföt en afklæddust
þeim fljótt aftur.
Komum við nú niður í Hofsdal, tókum
þar upp eld og hituðum'mat og kaffí. Oðum
síðan Hofsá, sem var fremur vatnslítil þama
innfrá. Héldum svo yfír hálsinn milli dalanna
þar sem hann er lægstur. Þar heita Bugar var
mér sagt. Var það fremur auðveld ganga. Voru
reyndar sumir farnir að þreytast eftir þriggja
daga göngu, miserfíða þó.
Komum svo aftur að bílunum á Hvanna-
völlum um áttaleytið um kvöldið. Fengum
okkur enn hressingu og ókum í myrkri út
Múladal. Týndum slóðinni einu sinni eða
tvisvar en fundum hana fljótlega aftur. Komum
heim á Djúpavog nálægt miðnætti og urðu
flestir hvíldinni fegnir.
117