Bibliotheca Arnamagnæana - 01.12.1957, Qupperneq 15

Føreord
Det granskingsarbeidet som vert framlagt i denne boka, gjeld einast dei
tekstene av Bandamanna saga som er skrivne på skinn. Soga finst og i ei
mengd papirhandskrifter. Etter vanleg meining ættar alle desse avskriftene
på papir frå tekstene i dei to skinnbøkene som framleies har heile soga.
Dette synet har eg freista å stø med nye grunnar i ei innleiing til mi utgåve
av soga, som enno ikkje er prenta. Tekst-delen av utgåva vart prenta for
„Samfund til udgivelse af gammel nordisk litteratur" i København 1956
(S. T. U. A. G. N. L. LXVII1). Det er ein føresetnad at ein har den
tekstutgåva ved sida når denne boka skal lesast.
Når eg no sender boka frå meg, kjenner eg meg mykje takksam mot alle
dei som har vori til gagn for arbeidet på ein eller annan måte. Fyrst og fremst
gjeld dette redaktøren for Bibliotheca Arnamagnæana professor dr. Jon
Helgason, København. Han gjorde fyrst framlegg om at avhandlinga skulle
prentast i denne skriftserien. Seinare las han igjennom manuskriptet og har
av sin rike kunnskap gjevi meg ei mengd gode råd og verdfull rettleiing, til
sist også hjelp med korrekturen. Av andre einskildpersonar som har hatt ser-
skilt mykje å seia for arbeidet mitt, lyt eg nemna professor dr. Anne Holts-
mark, Oslo, og professor dr. Einar 61. Sveinsson, Reykjavik, som både gjen-
nom si vitskaplege gjerning og ved si utrytande personlege interesse for
granskingane mine båe har vori meg ei stendig kjelde til inspirasjon og opp-
muntring. Tidlegare lektor i engelsk ved Universitetet i Oslo Mr. Arthur
G. Jayne har gjort meg den tenesta å setja om innhaldssamandraget sist
i boka til engelsk. Ved Universitetsbiblioteket i Oslo, Bokasafn Håskola
Islands og Landsbokasafn Islands har tenestemennene aldri spara seg nokon
umak til å letta arbeidet mitt. Universitetet i Oslo gav meg utdanings-
stipend dei fyrste kandidatåra, då opptaket til sogegranskingane mine vart
gjort. Norges Almenvitenskapelige Forskningsråd har med sin rauste
pengestønad gjort det mogeleg for meg både å fullføra arbeidet og å få det
utgjevi. Og til sist har Den Arnamagnæanske Kommission synt meg den
heideren å taka avhandlinga opp i skriftserien sin og har hjelpt til med å