Úrval - 01.04.1968, Blaðsíða 98
96
URVAL
í nautaati, sem haldið var á veg-
um góðgerðarsamtaka, og sjálfur
Franco hershöfðingi, æðsti maður
landsins, hafði verið staddur á með-
al áhorfendanna. Vinsældir E1
Cordobés höfðu enn aukizt á næstu
tveim árum, en það hafði líka orð-
ið misklíð vegna fjármála. E1 Cor-
dobés hafði viljað fá meiri peninga.
Og nú þegar E1 Cordobés stóð á
hátindi frægðar sinnar, hafði hann
ráðið sér nýjan framkvæmdastjóra,
og E1 Pipo hafði fundið nýjan
nautabana.
En enginn framkvæmdastjóri(
enginn prestur, enginn vinur gat
hjálpað E1 Cordobés á þessu augna-
bliki. Þegar Impulsivo steypti sér
á rauða klæðið, straukst vinstra
hornið næstum við búning nauta-
banans. En E1 Cordobés var alger-
lega óttalaus. Síðar sagðist hann
hafa verið „óður af hamingju" á
þessu augnabliki, alveg ófær um
að hugsa um neitt annað en þessa
dýrlegu, ölvandi kennd um ofur-
mannlegt vald, sem hríslaðist um
hann, í hvert sinn er hann slapp
ómeiddur undan árás dýrsins. Hann
snerist á hæli í rigningunni, sýndi
„natural“-bragð tvisvar 1 röð og
bjó sig undir að endurtaka það
enn einu sinni.
Þá gerðist það. E1 Cordobés rann
til í sandinum. Hann reyndi að
grípa í síðu nautsins til þess að
verjast falli, en fótur hans rann
til, og hann féll til jarðar. Impulsivo
kastaði sér á nautabanann, þar sem
hann lá í sandinum, og stangaði
hann tvisvar. í síðara skiptið fann
hornið það, sem að var leitað, þetta
viðkvæma hold, sem huldi aðalæð-
arnar til fótanna. E1 Cordobés rak
upp óp, og síðan missti hann með-
vitund.
Aðstoðarmenn hans æddu út á
völlinn sem óðir menn og sveifluðu
til skikkjum sínum til þess að draga
athygli nautsins að sér. Og fimm
vallarstarfsmenn lyftu nautabanan-
um upp og báru hann út af vell-
inum í áttina til sjúkrastofunnar,
þar sem dr. Maximo Garcia de la
Torre beið. Angelita Benitez hneig
niður fyrir framan sjónvarpstækið
sitt í Palma del Rio, sannfærð um,
að nú hefði síðari hluti spádóms
Manuels einnig rætzt og hún yrði
nú að klæðast sorgarbúningi.
Fréttirnar bárust út eins og eldur
í sinu í borgum, bæjum og þorpum
landsins. Fólk stökk hús úr húsi
og hrópaði fréttirnar þvert yfir göt-
ur og akra.
En á Las Ventasvellinum var síð-
asta þætti viðureignarinnar enn
ólokið. Pedro Martinez, nautaban-
inn, sem koma átti fram næst á eftir
E1 Cordobés, stikaði í áttina til
Impulsivos. Hann gat lokkað naut-
ið til þess að setja sig í stellingu,
sem var honum hagstæð, og síðan
lyfti hann sverði sínu og rak það
í skepnuna. Þegar nautið dó, rak
mannfjöldinn upp öskur, og það
var sem áhorfendapallarnir hefðu
breytzt í snjóhvítan akur, er ótal
vasaklútum var veifað. Þetta var
hið hefðbundna merki um, að
áhorfendur óskuðu þess að veita
E1 Cordobés sigurtákn, og for-