Morgunblaðið - 21.03.2000, Side 11
MORGUNBLAÐIÐ
ÞRIÐJUDAGUR 21. MARS 2000 11
FRÉTTIR
Oskað tillagna frá bisk-
upi vegna jafnréttiskæru
DÓMS- og kirkjumálaráðherra ætlar að fara
fram á það við biskup íslands að hann leggi
fram tillögur um lausn vegna kæru á veitingu
Grenjaðarstaðarprestakalls í fyrra. Kærunefnd
jafnréttismála telur að jafnréttislög hafi verið
brotin þar sem kærandi hafi verið hæfari en sá
sem starfið hlaut.
Fjórir sóttu á sínum tíma um embættið, þau
sr. Sigurður Rúnar Ragnarsson, sr. Stína Gísla-
dóttir, Sveinbjörn Bjarnason guðfræðingur og
sr. Þorgrímur Daníelsson. Valnefndin sam-
þykkti einróma að veita skyldi sr. Þorgrími
Daníelssyni embættið en hann var þá prestur í
Norðfjarðarprestakalli. Sr. Stína Gísladóttir,
sóknarprestur í Bólstaðarhlíðarprestakalli í
Húnavatnsprófastsdæmi, kærði niðurstöðuna.
Ingvi Hrafn Óskarsson, aðstoðarmaður Sól-
veigar Pétursdóttir dóms- og kirkjumálaráð-
herra, segir að þegar niðurstaða valnefndar sé
einróma séu biskup og ráðherra bundnir af
henni við veitingu embættis. Ingvi Hrafn segir
ráðherra munu óska eftir tillögu frá Karli Sig-
urbjörnssyni biskup um lausn á málinu og segir
aðstoðarmaðurinn ráðherra vilja fylgja því eft-
ir. Farið hafi verið yfir rökin í niðurstöðu
kærunefndar og málið skoðað frá öllum hliðum.
Jafnréttisnefnd kirkjunnar úrskurðaði á síð-
asta sumri að rökstuðningur valnefndar hefði
verið ófullnægjandi og flest benti til þess að
bæði hefðu verið brotin jafnréttislög og brotið
gegn jafnréttisáætlun kirkjunnar þar sem kon-
an hefði meiri reynslu og menntun en karlmað-
urinn. Meðal þess sem kærunefndin nefndi í
rökum sínum var að jafnræðis hefði ekki verið
gætt hjá valnefndinni að leita eftir hugmyndum
um starfsemi kirkjumiðstöðvarinnar við Vest-
mannsvatn. I framhaldi af þessari niðurstöðu
vísaði konan málinu til kærunefndar jafnréttis-
mála.
Morgunblaðið/Jón Sigurðsson
Lögreglumenn á Blönduósi voru meðal þeirra lögreglumanna á landinu
sem sátu námskeiðið í gær þar sem notaður var nýr fjarfundabúnaður.
Morgunblaðið/Kristinn
Sólveig Pétursdóttir dómsmálaráðherra fylgdi úr hlaði
fyrstu fjarsendingunni í gær.
Fræðslu um Scheng
en-samninginn sjón-
varpað út á land
FYRSTA fjarsending kennsluefn-
is frá Lögregluskóla rikisins,
vegna námskeiða um Schengen-
samninginn, fór fram í gær. Búist
er við að alls muni allt að 900
manns sitja námskeið sem haldin
verða í lögregluskólanum um
Schengen-samninginn og er verk-
efnið með þeim viðamestu í sögu
lögregluskólans. Með hliðsjón af
því fjárfesti dómsmálaráðuneytið
í fjarfundabúnaði sem verður not-
aður til fræðslu- og kynningar-
starfs innan lögreglunnar í fram-
tíðinni. Grunnnámskeið um
Schengen-samninginn verða alls
12 og hvert námskeið verður 6
klukkustunda langt. Á sama tíma
og þau eru haldin í skólanum,
fyrir allt að 50 manns í einu,
verður þeim sjónvarpað með
fjarfundabúnaði til nokkurra
staða utan höfuðborgarsvæðisins.
Með því sparast tími, fé og fyrir-
höfn.
Á fyrsta námskeiðinu í gær var
fjallað um sögu Schengen-samn-
ingsins og helstu atriði samnings-
ins sem snúa að löggæslu. Allir
lögreglumenn, lögreglustjórar og
fulltrúar þeirra sem sinna lög-
reglumálum, tollverðir, starfs-
menn Utlendingaeftirlitsins og
starfsmenn Landhelgisgæslunnar
fá fræðslu um Schengen-samn-
inginn.
Héldu
kyrru fyr-
ir í fyrsta
sinn
NORÐURPÓLSFARARNIR
Haraldur Örn Ólafsson og
Ingþór Bjarnason héldu
kyrru fyrir
í fyrsta
sinn á
sunnudag,
en ætluðu
að leggja af
stað í
næsta
áfanga upp
úr hádeg-
inu í gær. Létt var yfir þeim í
gær þegar þeir hringdu í Ólaf
Örn Haraldsson, helsta tengi-
lið sinn við umheiminn. Veðrið
á ísnum var þá orðið gott og
nánast logn, en á sunnudag
var allt að 45 km vindhraði og
48 stiga frost. Það samsvarar
um 68 stiga frosti að vindkæl-
ingunni meðtalinni. Tjaldið
rak um 200 metra á ísnum frá
því á laugardag.
Ólafur sagði að rétt hefði
verið hjá þeim að halda kyrru
fyrir í tjaldinu því annars
hefði verið mikil hætta á kali.
Ingþór væri með smákal á
þumalfingri, sem færi þó
minnkandi.
Pólfararnir sögðu vistina í
tjaldinu hafa verið góða á
meðan veðrið gekk yfir og
þeir hefðu m.a. hlustað á tón-
list með KK. Frostið í tjaldinu
í fyrradag var 38 gráður. Þeir
elduðu tvisvar og létu loga á
prímus örsjaldan til að ofnota
ekki bensínbirgðirnar. Þrátt
fyrir að vera hálfir ofan í pok-
anum kappklæddir og í dún-
úlpum hafi kuldinn verið mik-
ill í tjaldinu og það allt hélað
að innan. Þeir sofnuðu um
níuleytið á sunnudagskvöld og
sváfu til kl. 7 í gærmorgun, en
þá er klukkan 12 að íslensk-
um tíma. Þegar þeir litu á
staðsetningartækið í gær-
morgun kom í ljós að tjaldið
hafði rekið um 200 metra á
ísnum til austurs samkvæmt
ríkjandi hafstraumum.
Hörð gagnrýni formanns Rafiðnaðarsambands fslands
Er Sultartangavirkjun
faglegur ruslahaugur?
VANIR íslenskir rafiðnaðarmenn
sem hafa starfað við uppsetningu á
fleiri en einni virkjun segja að Sult-
artangavii’kjun sé faglegur rusla-
haugur, hún sé í raun ónýtt drasl.
Þetta kemur fram í grein Guðmund-
ar Gunnarssonar, formanns Rafiðn-
aðarsambands íslands, RSÍ, á
heimasíðu sambandsins á Netinu.
Grein formannsins fjallar um eitt
af hitamálum yfirstandandi við-
ræðna RSI og Samtaka iðnaðarins;
hina erfiðu stöðu íslenskra rafverk-
takafyrirtækja gagnvart erlendum.
Um hana segir Guðmundur: „Hingað
til lands hafa komið erlend fyrirtæki
og undirboðið íslensk rafverktaka-
fyrirtæki. Það gera þau í skjóli þess
að erlendu fyrirtækin geta fullnægt
skilyrðum með því að greiða lág-
markslaun, en íslensku fyrirtækin fá
enga innlenda rafiðnaðarmenn til
þess að vinna á launum sem eru und-
ir þeim launum sem í gildi eru á al-
mennum markaði rafiðnaðarmanna.
Þetta viljum við lagfæra með því að
setja inn í kjarasamninginn lágmörk
í stærri verkum sem samsvara þeim
meðallaunum sem eru í gildi á þeim
íslenskum markaði hverju sinni.“
Guðmundur nefnir í greininni að
fjöldi íslenskra fyrirtækja hafi haft
samband við RSI og hvatt það til að
berjast til þrautar í þessu máli. Það
hafi orðið samningamönnum RSÍ
undrunarefni hversu illa samninga-
menn samtaka íslenskra atvinnurek-
enda hafi tekið þessu. „Eina skýring-
in sem manni dettur í hug er sú að
forsvarsmenn stóru fyrirtækjanna
eru ráðandi afl í SA, þeim er hagur í
því að launakjör lækki í fyrirtækjum
undirverktaka, eins og t.d. rafverk-
takafyrirtækjunum," segir Guð-
mundur.
í greininni sendir formaður Raf-
iðnaðarsambandsins Landsvirkjun
tóninn: „En það er annað sem okkur
svíður undan. Það er sú mismunun
sem Landsvirkjun býður upp á.
Landsvirkjun þýðir öll verkútboð á
erlend tungumál, þannig að íslensk
fyrirtæki verða að kaupa dýra túlkun
yfir á íslensku ef þau ætla að geta
boðið í verkin.“
Segir fjölda fyrirtækja
hafa hvatt RSÍ
Um frágang erlendra fyrirtækja í
verkefnum hér á landi, segir Guð-
mundur í greininni: „En meir svíður
okkur undan því mismunandi mati
sem lagt er á fagleg vinnubrögð.
Þess er krafist réttilega af íslenskum
rafiðnaðarmönnum að þeir skili
verkum sínum með faglegum hætti
og noti viðurkenndan búnað.
Ekki viðurkenndur búnaður?
Gagnvart erlendum fyrirtækjum
er allt annað upp á teningnum. Þau
komast upp með ótrúlega lélegan
frágang og að því að mér er tjáð þá
eru þau stundum að setja upp búnað
sem ekki er viðurkenndur gagnvart
íslenskum fyrirtækjum. Vanir ís-
lenskir rafiðnaðarmenn sem hafa
starfað við uppsetningu á fleiri en
einni virkjun segja að Sultartanga-
virkjun sé faglegur ruslahaugur, hún
sé í raun ónýtt drasl. Það blasi við
þegar erlendu rafiðnaðarmennirnir
verða farnir, þá verði starfsmenn
Landsvirkjunar árum saman að laga
þann búnað sem erlendu fyrirtækin
hafa komist upp með að setja þar
upp og endurmontera þurfi alla
skápa sem þeir hafi sett upp.
Islensku rafiðnaðarmennirnir
kvarta undan því að eftirlitsmenn
hafi í raun hag af því að þetta sé
svona því þeir séu að skapa sér verk-
efni um ókomin ár.“
Breytingar á
þjónustu SVR
Fulltrúar sjálfstæðismanna
gera athugasemdir
STJÓRN Strætisvagna Reykjavík-
ur samþykkti í gær breytingar á
þjónustu SVR frá 1. júní næstkom-
andi. Fjármunum sem sparast með
því að dregið er úr þjónustu á
ákveðnum leiðum er varið til að
bæta þjónustu í Grafarvogi, að sögn
stjórnarformanns SVR. Fulltrúar
Sjálfstæðisflokksins gera alvarleg-
ar athugasemdir við breytingarnar.
Helgi Pétursson, formaður
stjórnar SVR, segir að orðið sé að-
kallandi að bæta þjónustu strætis-
vagna í Grafarvogi. Breyting er
gerð á leiðum 8, 15 og 115 og segir
Helgi að það kosti 6,5 milljónir kr.
Bæjarfulltrúar Sjálfstæðis-
flokksins lögðu fram bókun á fund-
inum þar sem þeir gera athuga-
semdir við einstaka liði breyt-
inganna. Kjartan Magnússon segir
að í tillögunum felist víðtæk þjón-
ustuskerðing sem nái til flestra
hverfa borgarinnar. Hann vekur
sérstaka athygli á því að gert sé ráð
fyrir því að leið 140 hjá Almenn-
ingsvögnum bs. taki við af leið 14 í
Austurbæ og Norðurmýri. Þar sé
treyst á að strætisvagnafyrirtæki í
eigu nágrannasveitarfélags bæti
farþegum SVR þjónustuskerðingu.
Einnig sé dregið úr tíðni leiðar 7 á
kvöldin og um helgar. í fyrsta sinn
sé sú leið farin að hafa klukkustund
á milli ferða vagna SVR.
Farþegum fækkar
Fulltrúar sjálfstæðismanna lýsa
þungum áhyggjum vegna þeirrar
óheillaþróunar sem þeir segja hafa
orðið í rekstri SVR á undanförnum
árum. Kjartan segir að á síðasta ári
hafi farþegum SVR fækkað um 5%
og reksturinn verið í járnum þrátt
fyrir 20% hækkun fargjalda. Þjón-
ustan hafi verið skert á nánast
hverju ári á valdatíma R-listans
þrátt fyrir fyrirheit borgarfulltrúa
hans um bætta þjónustu og fjölgun
farþega.
Helgi Pétursson mótmælir þeim
málflutningi sjálfstæðismanna að
fækkun farþega tengist valdatíma
Reykjavíkurlistans. Aðrar ástæður
séu fyrir fækkun farþega. Telur
hann mikilvægt að efla almennings-
samgöngurnar og vekur athygli á
nýlegri samþykkt borgarstjórnar
um samvinnu við nágrannasveitar-
félögin um það verkefni.