Skírnir - 01.12.1905, Side 93

Útlendar fréttir.
381
nr lönd fara sívaxandi. Stór skógsvæði eru ríkiseign, einkum í
norðurhluta landsins, og eru þar einhverjir hinir stærstu og feg-
urstu skógar sem til eru í Norðurálfu, og þrátt fyrir hið mikla
skógarhögg er nú árlegur vöxtur skógarins meiri en eyðslan.
I Finnlandi hafa bændurnir á síðari árum lagt meiri áherslu
á griparækt heldur en kornyrkju, og þó eitikum á mjólkurbúin.
Þó eru Finnar í þeim sökum ekki komnir eins langt og Danir.
En kúatalan hefir nær tvöfaldast á síðustu 12 árum. En þótt
miklu meiri áherzla hafi verið lögð á griparæktina, þá hefir
kornyrkja samt sem áður tvöfaldast frá 1860 til aldamótanna.
Hin vaxandi velmegun sést einnig glöggt á því, hve vöruflutning-
ar til landsins fara vaxandi. Þrátt fyrir vaxandi kornrækt í land-
inu vex innflutningur á rúg og hveiti, sykureyðslan hefir tvöfaldast,
innflutningur á kjöti og eggjum einnig vaxið, og svo er um flest-
ar vörutegundir. Eins og á þessu sóst, hefir verzlunarumsetning-
in stórum aukist. Um miðja síðastl. öld var hún aðeins 37
milj. marka, 1886 176 milj., en um aldamótin nær 500 milj. á
ári, og innflutningur töluvert meiri en útflutningur, eins og gerist
í velmegandi löndum, sem sjálf taka mikinn þátt í verzlun og
vöruflutningum. Fjárhagur landsins er betri en flestra annara
ríkja í Norðurálfu. Tekjurnar eru árlega hærri en gjöldin, og við
það hafa myndast stórir varasjóðir. Bankamálum er mjög vel fyr-
ir komið á Finnlandi og hafa Finnar tekið fyrirkomulag Skota til
fyrirmyndar. Bankarnir hafa útibú hvervetna um landið. Leiðandi
menn þjóðarinnar eru ameríkskir í hugsunarhætti, og í Finulandi
er yfir höfuð ekki lítið af því fjöri og þeim framkvæmdakrafti
sem annars einkenuir Ameríku.
Finnland er perlan í kórónu Rússakeisara.«
8. des.
Þ- G.