Skírnir - 01.08.1912, Blaðsíða 44
234
Úr ferðasögn.
leizt mér heldur vel á manninn, enda var hann merki-
lega líkur íslenzkum presti, sem er annálað góðmenni, og
ekki þessi leikarasvipur á honum, sem lýtir svo margan
kirkjuprest á Euglandi og annarstaðar. Hann talaði um,
að allir gætu fengið huggun og hvíld, ef þeir að eins
vildu, og óskaði eg, eins og oftar, með sjálfum mér, að
þetta væri satt. Það er engin furða, þó að margir vilji
prédika guðs orð á Englandi, því að óvíða, og hvergi í
ókaþólskum löndum, hafa prestar vald og virðingar einsog
þar í landi; og dálítið af þessari dýrð skín á hvern iiytj-
anda orðsins, jafnvel þótt hann sé ekki lærður til
prests. Hinn ræðumaðurinn var að tala um kvenréttindi,
og var því máli hlyntur, eins og sjálfsagt var, úr því að
hann hafði ekki komist á þing. Kæðumaður var einn af
þessum þreklegu, brjóstvíðu Englendingum, sem eru aldir
upp við góðan mat og líkamsæfingar, og elli virðist ekki
vinna neitt á að mun, þótt hvítir séu orðnir fyrir hærum.
Og hér mátti sannarlega heyra rödd hrópandans í kven-
réttindamálinu, því að ræðumaður flutti mál sitt alt kall-
andi og var þó enga þreytu á honum að heyra.
Þessi ræðuhöld virtust mér þegar í stað einkennilega
ensk, og eins og dýrð ensku kirkjunnar hefir vakið upp
þessa mörgu »leikprédikara«, eins á sjálfsagt valdadýrð
»parlamentsins« drjúgan þátt í að koma á stað þessum
utanþings-ræðumönnum; þegar þeir tala eins og þeir, sem
völdin hafa, þá leggur yfir þá svolítið af þeim virðingar-
ljóma, sem völdunum fylgir. —
Allmikið stöðuvatn (the serpentine) er þar í Hyde-
park, og þó tilbúið af mannavöldum, og á kvöldin var
jafnan krökt af mönnum sem þreyttu sund, eða stóðu berir
á bakkanum. Mátti þar sjá marga knálega kroppa, en
alt er það hinn fátækari lýður, því að efnaðra fólkið leit-
ar til baðstaðanna. Þetta er á almannafæri, og mann
furðar á að sjá slíkt frjálsræði á Englandi, þar sem alls-
konar uppgerðar siðsemi er svo furðulega mögnuð. En
viljinn til vatnsins og sundsins hefir orðið of sterkur, og
þess vegna minna bakkarnir þarna á suðrænni og sól-