Skírnir - 01.08.1912, Qupperneq 48

238
Úr ferðasögu.
mjög ríkmannlega heima á einum af þessum friðsælu
stöðum, sem mann furðar á að finna í heimsborginni, sem
sumstaðar virðist duna eins og af óróa allra jarðarbyggja,
Systir Swinburnes er einhver elliprúðasta kona sem
eg nefi séð, og býsn mikil, að slíkur kvenmaður eins og
hún virtist hafa verið, skuli vera barnlaus og mannlaus,
en sjálfsagt einhver saga þar til, þó að eg þekki hana
ekki. Mér kemur í hug hve margur hraustur og fríður
Englendingur hefir látið líf sitt á vígvöllum víðsvegar um
álfur, á æskuárum hennar, eins og áður og síðan. Mér
varð að gjöra samanburð á þessari konu og systur annars
mikilmennis, sem eg hafði kynst þá ekki alls fyrir löngu,
frú Förster-Nietzsche, og datt mér í hug, þegar eg heyrði
hvað systir Swinburnes var rétttrúað ensk, og enskt rétt-
trúuð, hvort ekki mundu hafa verið óprentuð ýms kvæði
Swinburnes, ef til systurinnar kasta hefði komið; og æði
miklu frjálsari í anda og víðsýnni virtist roér hin þýzka
merkiskona. Mér fanst helzt eins og þetta tigna frænd-
fólk Swinburnes hefði komist það lengst, að fyrirgefa hon-
um það, að hann skyldi vera þessi andans snillingur; en
um Nietzsche var öðru máli að gegna. Systirin var hans
bezta stoð, og mun henni það lengi þakkað af öllum þeim
sem skilja hvers konar maður Nietzsche var. Kemur þar
dálítið fram munurinn á þýzkri og enskri menningu.
Systir Swinburnes á mörg mikilsverð listaverk, þar á
meðal ýmsar myndir af Swinburne á barnsaldri. En
ekkert jafnaðist þó á við safn af myndum eftir Turner,
einn af frægustu málurum enskum, og er það auður að
eiga slíkt.
IV.
Einn sunnudag fór eg í Pálskirkju, sem er eitt af
mestu og frægustu húsum í Lundúnum. Er krossinn efst
á kirkjunni 365 fet yfir jörð. Er þar geimur mikill um
að litast, þegar inn er komið, en æði mikið skartsminna
en í kaþólskum kirkjum. Líkneski eru þar af ýmsum
frægustu stríðshetjum Englendinga, eins og Nelson og