Árbók Hins íslenzka fornleifafélags - 01.01.1973, Side 147

SKÝRSLA UM ÞJÓÐMINJASAFNIÐ 1972
147
Þá vann Þórður Tómasson eins og undanfarin ár um tíma að heim-
ildasöfnun og gerð spurningaskrár fyrir þjóðháttadeild.
Almennt um safnstörfin.
Á árinu var lokið að mestu uppsetningu bókasafnsins á efri hæð
hússins, þar sem vaxmyndasafnið var áður, en það hafði verið tek-
ið ofan samkvæmt því sem sagði í síðustu skýrslu. Vann Halldór J.
Jónsson einkum að því verki.
Um þjóðháttadeild og starfsemina þar hefur Árni Björnsson sam-
ið eftirfarandi greinargerð:
Greinargerð um starf þjóðháttadeildar 1972.
Árangur af starfsemi þj óðháttadeildar helgast enn sem fyrr
einkanlega af vinsemd og áhuga hinna mörgu samstarfsmanna henn-
ar víðsvegar um landið, sem leggja af mörkum óeigingjarna þjón-
ustu við söfnun og veitingu þeirra upplýsinga, sem leitað er eftir.
Hlutverk starfsmanns deildarinnar verður því ekki sízt að hlúa að
þeim akri og afla nýrra heimildarmanna í stað þeirra, sem eðlilega
detta úr sögu. Væru starfsmenn tveir, gætu þeir skipzt á að vera
í förum. meðal fólks, meðan annar gætti m. a. hinna daglegu sam-
skipta við fólk, sem samband vill hafa við deildina bréflega, sím-
leiðis og persónulega. Undanfarin sumur hefur verið farið um þær
byggðir landsins, sem í hvert skipti virðast einna fátækastar að heim-
ildarmönnum. 1 ágúst 1972 var farið í alllanga ferð um Þingeyjar-
sýslur, en einkum norðursýslan hafði orðið fáum heimildarmönn-
um á að skipa. Varð árangur af þeirri ferð harla góður. Þá voru á
útmánuðum farnar nokkrar smáferðir um Reykjanesskagann, sem
annars vill oft verða útundan sakir nálægðar. Einnig var farin viku-
ferð um Isafjarðardjúp, í byrjun júlí.
Tvær spurningaskrár voru að venju sendar út á árinu, vor og
haust. Snerist hin fyrri um fjallagrös, söfnun þeirra og nýtingu,
en hin síðari um samantekningu heys o. fl. Er það raunar fimmta
skráin, sem send er út varðandi heyvinnuna, og fer nú smám sam-
an að sjá fyrir endann á þessu markverða efni um eldri heyskapar-
menningu þjóðarinnar. Meginverkið við samningu spurningaskránna
vann eins og endranær Þórður Tómasson safnvörður í Skógum.
Eins og undanfarna vetur hafði starfsmaður deildarinnar með
höndum vikulega þætti í kvöldvökum útvarpsins, þar sem spurt var
um fjölbreytileg atriði úr þjóðlífinu. Reyndust sem fyrr furðugóð
andsvör við þeirri viðleitni, og auk þess sem ýmis smáatriði til upp-