Árbók Hins íslenzka fornleifafélags - 01.01.1973, Síða 157

SKÝRSLA UM ÞJÓÐMINJASAFNIÐ 1972
157
Klæðningin hefur þó sama svipmót og hin gamla. Gólf var sett nýtt
svo og bekkir, og voru þeir teiknaðir með öðru sniði en var. Gamla
pípuorgelið, sem upphaflega var í Hafnarfjarðarkirkju en hafði
verið inni við kór, var ekki sett upp aftur, heldur fengið nýtt harm-
oníum, enda var gamla orgelið of stórt fyrir kirkjuna.
Þeir Hörður Ágústsson og Þorsteinn Gunnarsson höfðu umsjón
með viðgerð kirkjunnar og greiddi Þjóðminjasafnið þóknun til þeirra.
Fóru þeir margsinnis suður eftir meðan á viðgerð stóð og litu eftir
verkinu og gerðu teikningar að því, sem smíða þurfti nýtt.
Karsten Ronnow arkitekt og kona hans Gunilla Moodysson komu
í júlí að beiðni þjóðminjavarðar vegna viðgerðar húss Bjarna Sí-
vertsens í Ilafnarfirði, en svo hafði verið ráð fyrir gert er Karsten
Ronnow kom hér 1966, að hann kæmi aftur er viðgerð væri komin
nokkuð á veg til frekari fyrirsagnar. Þótt viðgerð hússins sé ekki
langt komið þótti samt rétt, þar sem svo langt var um liðið frá því
Ronnow kom síðast og þar eð viðgerðin hafði verið í umsjá fleiri
en eins aðila þennan tíma, að fá Ronnow nú öðru sinni til að gefa
ráð um áframhaldandi viðgerð. Þau hjón eru bæði arkitektar og
hafa unnið mikið að viðgerðum gamalla og merkra bygginga, bæði
í Danmörku og á Grænlandi, og var leitað til Karstens Ronnow í
upphafi að meðmælum danska Þjóðminjasafnsins, en hann þekkir
eðlilega þessa húsagerð mjög vel. Á þeim tíma er viðgerð hófst,
1966, var enginn sérmenntaður arkitekt hérlendis í viðgerðum gam-
alla húsa, en miklu máli skiptir að viðgerðin sé sem bezt af hendi
leyst.
Þau hjón dvöldust nokkra daga við rannsóknir og teikningar á
húsinu og skiluðu síðan álitsgerð og leiðbeiningum um framhald við-
gerðarinnar.
Um viðgerð hússins er annars það að segja, að búið er að setja
glugga í og ganga frá húsinu á ytra borði, að öðru leyti en því að
útihurðir vantar og endanlega málningu. Sökklar voru steyptir og
gólfbitar síðan lagaðir og talsvert unnið að endursmíð grindarinnar
inni í húsinu. Tók Bjarni Ólafsson að sér að sjá um þetta verk, en
það unnu að mestu Gunnar Bjarnason og Leifur Hjörleifsson, sem
mikið hafa unnið að slíkum verkum áður. — Næst er fyrir að koma
hitalögn í húsið, sem verður lofthitun, þannig að hægt verði að
ganga af krafti í að fullgera irinréttingar.
Má nefna hér í þessu sambandi, að geymsluhúsið stóra, Brydehúsið,
sem stendur við hlið Sívertsenshúss, hlaut einnig nokkra aðgerð, en
það er í eigu Hafnarfjarðarhafnar. Lét hafnarstjórinn, Gunnar