Árbók Hins íslenzka fornleifafélags - 01.01.1991, Qupperneq 84

88
ÁRBÓK FORNLEIFAFÉLAGSINS
Þá er getið um Flatey á öðrum stað í Guðmundar sögu hinni elstu37 og á
tveimur stöðum í miðsögu hans. I fyrra tilvikinu segir frá manni sem var
„staddur í Flatey til fiskjar".38
I Islendinga sögu segir m.a. frá Hrana Koðránssyni er bjó á Grund í Eyja-
firði og var umboðsmaður Þórðar kakala. Hann var úti í Flatey þegar hann
var boðaður til aðfarar að Gissuri Þorvaldssyni á Flugumýri í október árið
1253.39 Þegar sætt var síðan gerð eða „vandræða firring" eftir brennuna
var honum gert að vera í Flatey.40 Þegar Gissur hóf að búa mál á hendur
brennumönnum árið eftir hafði hann „bundið félagsskap" við Odd Þór-
arinsson Svínfelling sem settist þá að á Flugumýri, en Hrani var skógar-
maður Odds. Oddur frétti að Hrani fór út til Grímseyjar og safnaði þá liði
til að veita honum eftirför.
Þeir fóru fyrst til Flateyjar og tóku þar undir kirkju einn brennumann, Þóri bukksunga,
og vildu flestir að hann væri drepinn. [Tveir liðsmenn Odds mæltu hann undan] og
því samþykktist Oddur er hann var svo nær kirkjunni tekinn 41
Annálar og Fornbréfasafn
I Annálum Storms sem ná til ársins 1578 er aðeins getið um Flatey við
árið 1260: „Landskialfti hinn mikli norðr í Flatey."42
I öðru bindi íslensks fornbréfasafns er að finna elsta máldagasafn sem nú
er til fyrir Hólabiskupsdæmi. Það er venjulega kennt við Auðun biskup
rauða Þorbergsson og talið gert árið 1318 þó að einstakir máldagar séu þá
eldri.43 Þar segir svo:44
37. Biskupa sögur 1,1858,503.
38. Biskupa sögur 1,1858, 614; 615.
39. Sturlunga saga 1,1946,484; Sturlunga saga II, 1988,633.
40. Sturlunga saga 1,1946,496; Sturlunga saga II, 1988,644.
41. Sturhmga saga II, 1911,218; Sturlunga saga 1,1946,503; Sturlunga saga II, 1988,653.
42. Storm 1888,57 (Höyers annáll; sömu ummæli í Resensannál, bls. 27 hjá Storm, og í Skál-
holtsannál, bls. 193. Einnig í Flateyjarannál, sjá Flateyjarbók IV, 1945,322).
43. íslenzkt fornbréfasafn II, 423-424. - Hin prentaða útgáfa er gerð eftir afskrift frá 1639, en
hún er talin gerð eftir frumriti.
44. Islenzkt fornbréfasafn II, 441. - Stafsetningu er haldið eins og hún er sýnd í Fornbréfasafni.
Greinarmerki eru færð til nútímahorfs eftir því sem næst verður komist, en stundum er
óljóst í frumtextanum hvort töluorðið á við nafnorðið á undan eða eftir. - Athugið aðj og i
eru notuð hvort fyrir annað á víxl og einnig fyrirAuk þess er a og n notað fyrir á, o fyrir ó
og u fyrir ú. Einnig getur v staðið fyrir u eða ú. Þar sem við skrifum ö er ýmist notað 0, o eða
au. - Sjá nánar um íslenska stafsetningu á miðöldum hjá Stefáni Karlssyni, 1989,33-41.
Stefáni eru einnig þökkuð góð ráð um frágang textans.