Árbók Hins íslenzka fornleifafélags - 01.01.1994, Page 147

VETRARMYNDIR FRÁ NESI VIÐ SELTJÖRN OG LAUGARNESI
151
2. mynd. Nærmynd af stóra hringnum á 1. mynd, og umhverfi hans. Vinstra megin við
hann er líklega gömul tröð og þvert á hana túngarður og tröð. I litla hringnum efst mótar
fyrir skurði eftir uppgröftinn 1993. Ljósm.: Þorgeir S. Helgason.
skipulega að fornleifum í Wessex-héraði. Niðurstöðurnar birtu þeir árið
1928 í bókinni Wessex from the Air, sem nú telst sígilt rit í „flugfornleifa-
fræði". Mikið hefur verið unnið á þessu sviði síðan, og þó einkum eftir
síðari heimsstyrjöld, þegar farið var að þróa nýjar aðferðir og tæknibúnað.
Flugfornleifafræði er nú víða beitt skipulega við leit að huldum minjum,
þó að annars staðar sé verið að stíga fyrstu skrefin.2
Hérlendis hefur verið farið nokkuð inn á þessa braut, þó að ofangreind-
ar aðferðir úr kornræktarlöndum verði vart notaðar. En fleiri leiðir eru
færar og eiga sér margar hverjar langa hefð. Einkum hafa menn notfært
sér loftmyndir Landmælinga Islands, en einnig þreifað fyrir sér um ská-
myndatökur þegar sól er lágt á lofti, því að þá draga skuggar fram lítils-
háttar mishæðir í landinu.3 í seinni tíð hafa og verið teknar myndir með
filmum sem eru næmar fyrir innrauðu ljósi, en þá kemur oft vel fram af-
brigðilegt gróðurfar umhverfis forna bústaði.' Hér getur hins vegar einnig
verið hentugt að nota yfirlitsmyndir teknar að vetri, þegar jörð er hálf-
snjóa, til þess að draga fram fornar rústir. Þegar snjóföl hefur fallið á jörð
og vindar blásið, fýkur snjórinn ofan af bungum og safnast umhverfis þær