Árbók Hins íslenzka fornleifafélags - 01.01.1994, Síða 211

ÁRSSKÝRSLA 1994
215
Einnig hafði safnið sýningu í flugstöðinni á Hornafjarðarflugvelli í tilefni 70 ára afmælis
heimsflugs Bandaríkjamanna, en flugvélarnar höfðu viðkomu á Hornafirði og voru hinar
fyrstu er flugu yfir hafið til Islands. Af því tilefni var aflijúpað listaverk við flugstöðina, sem
starfsmenn safnsins settu upp.
Þá setti safnið upp innréttingu gamallar verbúðar í Miklagarði á Höfn, sem sýnd var um
sumarið, og var það gert í samstarfi við sjómannadagsráð.
Byggðasafn Rangæinga og Vestur-Skaftfellinga, Skógum. Alls komu um 24 þúsund gestir í
safnið á árinu, en sýningartíminn miðast við 1. maí til 30. september. Skráðir voru 289 ný-
fengnir gripir og skráðir gripir safnsins alls eru nú 8544. Meðal nýrra gripa á árinu má nefna
silfurbikar, er félagið Titan gaf Eyjólfi Guðmundssyni í Hvammi á Landi og skautbúning
Kristínar Skúladóttur Thorarensen frá Móeiðarhvoli. Haldið var áfram starfi við byggingu
nýs safnhúss og var verkið langt komið í árslok. Á neðri hæð verður sýningarsalur, geymsla
með aðstöðu til hreinsunar og skráningar safngripa, fræðimannsíbúð, lestrarstofa með bóka-
safni og skjala- og handritageymsla héraðsskjalasafns og byggðasafns, auk annarra her-
bergja.
Gamla safnhúsið, er reist var 1954, hlaut ýmsar endurbætur, gólf var steinlagt, húsið
málað hið innra og safngripir settir upp á nýjan hátt. Seint á árinu var hafin bygging safn- og
skólakirkju á lóð safnsins og grunnur að miklu leyti fullgerður. Kirkjan er teiknuð af Hjörleifi
Stefánssyni arkitekt eftir hugmyndum Þórðar Tómassonar safnstjóra og út frá einstökum
hlutum gamalla kirkna í safninu, sem verða notaðir til endursmíðinnar. Kirkjunni var valinn
staður suðvestan við bæjarhús frá Skál á Síðu, í samræmi við forna sunnlenzka venju hvað
snertir afstöðu kirkju til bæjar. Áætlað er að gera kirkjuna fokhelda á árinu 1995.
Sett voru upp siglutré á áraskipinu Pétursey og allur seglabúnaður. Framsigla er smíðuð
og gefin af Magnúsi Pálssyni bónda á Syðri-Steinsmýri í Meðallandi og efniviður af rekafjöru
hans. Aftursigla er af hinu gamla áraskipi Sigurðar Jónssonar bónda og formanns í Eyvindar-
hólum. Bugspjót og allar festingar fyrir bönd smíðaði Magnús Tómasson í Skógum og settu
þeir Hjalti Kristjánsson á Fáskrúðsfirði upp möstur og segl og gengu frá böndum. Seglreið-
inn setur mikinn svip á skipið sem með réttu má kalla þjóðardýrgrip.
Byggðasafn Vestmannacyja. Á árinu komu 3664 gestir í safnið auk barna. 129 færslur voru í
aðfangabók safnsins, myndir og munir. Meðal þess má nefna nýburavog úr eigu Guðrúnar
Magnúsdóttur ljósmóður frá Hamragörðum.
Safnið hafði sérsýningu vegna 50 ára afmælis lýðveldisins og sýningu um upphaf byggð-
ar í Vestmannaeyjum, byggða á rannsóknunum í Herjólfsdal. Um hvítasunnuna var sérstök
kynning á fyrirtækjum og nokkrum stofnunum í Vestmannaeyjum, Vordagar í Eyjum, og
lánaði safnið þangað gripi og myndir. Þá var 80 ára fæðingarafmælis Ása í Bæ minnzt í máli
og myndum í safninu 27. febrúar.
Byggðasafnið eignaðist árið 1993 vb. Blátind VE 21, sem smíðaður var í Vestmannaeyjum
1947. Hann var málaður á árinu og er verið að finna honum framtíðarstað. Þá hefur verið
reynt að finna húsinu Landlyst nýjan stað, en það var tekið ofan eftir bruna 1992.
Forstöðumaður safnsins er Jóhann Friðfinnsson.
Byggða- og listasafn Arnesinga. - Hér er aðeins fjallað um þann þátt safnanna, sem lýtur að
byggðasafninu, en söfnin verða aðskilin og byggðasafnið mun heita Byggðasafn Árnesinga
frá upphafi ársins 1995, þar sem ákveðið er að flytja byggðasafnið í Húsið á Eyrarbakka.
Settur safnstjóri er Lýður Pálsson. - I upphafi ársins hófst undirbúningur að uppsetn-
ingu safnsins á Eyrarbakka og voru fastasýningar safnsins lokaðar frá því í marzmánuði.
Nokkrir munir safnsins voru fluttir vegna viðgerðar hússins og innréttuð var geymsla fyrir
safngripi.