Tímarit Hins íslenzka bókmentafélags - 01.01.1890, Page 60

60
að gleymzt hafi að rekja ættina í Ln., enda er þar
engin ætt talin frá Gull-f’óri, og Guðmundr sonr
hans aðeins nefndr á nafn1. Guðbrandr Vigfússon
efast um, að Hlöðvér konungr hafi verið faðir Odds
skrauta, en ætlar, að Oddr muni hafa talið sig í ætt við
Hlöð, son Heiðreks konungs hins vitra, eða ein-
hvers fornkonungs af þeirri ætt (Safn til sögu ísl.
I. 356). En sú tilgáta sýnist ekki líklegri en frá-
sögn Gullþ., er nefnir svo greinilega bæði föður og
móður Odds, sem nú var sagt, enda styrkist það
af því, að síðar í sögunni er getið um Hlöðvé jarl
á Gautlandi, son Æsu hinnar örðigu Hlöðvésdóttur
(Gullþ. 5. k.). Oddr skrauti er ekki með fyrstu
landnámsmönnum, enda segir i Gullþ. að hann hafi
keypt sér land2, má geta til, að hann sé fæddr um
850—60, og hefir þá Hlöðvér konungr faðir hans
verið uppi um miðja g. öld og lifað fram á öndverða
daga Eiriks konungs Eymundarsonar. Nú eru
reyndar líkindi til, að Gautland hafi miklu fyr verið
komið undir Svíakonunga, eins og sögurnar segja
(Fms. I. 115), og hefði það verið sjálfstætt ríki,
þegar Ansgar kom til Svíþjóðar, mundi þess eflaust
1) I «Málskrúðsfræði« Ólafs hvítaskálds er tvívegis
nefndr Skraut-Oddr skáld, eu varla getr það verið sami
maðr og Oddr skrauti landnámsmaðr, heldr er hitt lík-
legra, að skáldið sé einhver af niðjum Gull-f>óris (sonr
Atla þórissonar??, sjá N. Fél. XXI. 121. bls.), og, ef
til vill, sami maðr og Oddr Breiðfirðingr, sem nefndr er
í Ln. 3. 10, ein8og dr. Björn M. Ólsen hefir getið til
(»Den tredje og fjærde gamtnat. afh. í Sn. E.« Kh. 1884,
176. bls.), Vera má og, að alt sé sami maðrinn og Oddr
skáld, sem orti Illugadrápu, er tvær vísur eru teknar úr
í Eyrb. 17. k., 20. bls.).
2) í Ln. 2. 19. segir, að Oddr hafi numið land í
þorskafirði og búið í Skógum, en í Gullþ. 1. k. er kom-
izt svo að orði: »Oddr kaupir lendur í þorskafjarðarskógum
at þuríði drikkinni, ok bjó at Uppsölum*.