Eimreiðin - 01.01.1921, Síða 19

EIMREIÐINI
DR. MATTHlAS JÖCHUMSSON
19
siðast yðar Ijómandi bók »Nonni<f, eru nú lofaðar i öll-
um okkar blöðum, sem á bækur minnast — nú síðast í
»Kvöldvökum« síra Jónasar (sem hann kvaðst senda yður)
mjög huglátlega. Þó að sögurnar haii barnslegan blæ og
allur still og orðfæri eftir upplagi og þörfum ungra sak-
leysingja, þá semur enginn slíkar sögur nema hafl sérgáfa.
Og eg veit hvað hún heitir. Hún er og heitir barnsins
genius, barnsins góði engill. Allar góðar bækur eru, engu
síður en hin heilögu rit biblíunnar innblásnar. Svo eru
yðar, svo er Sakúntala og Sawitri, Andersens æfintýri
(mörg), Dickens btstu rit og bækur, etc. — eins þótt ekki
séu guðfræðisrit. (Pér fyrirgefið þótt eg skrifi eins og pró-
testanti!) Og — hvað svo? Getur góður maður skrifað
con amore annað en guðlega hluti? Höfum vér guðs og
andans börn ekki sömu trúarbrögð — að frádregnum
mannasetningum? A. m. k. skiljum vér þá hver annan
og elskum hver annan. Og það er nóg! Hvað er maður-
inn ef hann er ekki barn, barn skapara síns um leið og
hans sköpunarverk?
Þá gladdi mig stórlega Jesúiten-Kalendarum jafn-skraut-
legt utan og innan! Eg las heftið með því meiri ánægju
sem mig gladdi meira að sjá og skilja hina sönnu sögu
þessa mikla félags, er svo stórum hefir verið rægt og
svivirt af heimskum óvinum þess, einkum Prótestöntum.
Mér skilst að hafi lærisveinar h. h. Loyola ekki náð
»Krists fylling« þar sem þeir komust hæst, þá hafi það
engir gert. Sérstaklega þakka eg fyrir æfiminning Baum-
gartners og hinna þriggja stóru Svissara. Ó, hvað andi
og hjarta Baumg. hefir verið fult af sönnu og ekta genia-
liteti! Eg er stoltur að eiga bréf frá þeirri hö/uðkempu!
Guð blessi hans sál! Fínni karaktéra, fínni mentamenn
og ágætari leiðtoga ungra manna, hefir vist engin kristin
orða ált jafn marga. En svo er á annað að minnast: vol-
æði veraldarinnar og hið mikla og hræðilega aftur-fall
nútíðarinnar! Við hér á hala veraldar stöndum höggdofa;
margir hrópa: Er guð til? eða er alt lifið og tilveran
sjónhverfing? hvar er siðmennÍDgin og sigur allra blóð-
vottanna — allra hersveita hins krossfesta, allra fylkinga