Morgunblaðið - 10.05.2001, Qupperneq 86

FÓLK Í FRÉTTUM
86 FIMMTUDAGUR 10. MAÍ 2001 MORGUNBLAÐIÐ
CHUCK D., leiðtogi rappsveitar-
innar Public Enemy, hefur lýst því
yfir að innan fárra ára verði sprottn-
ar upp milljónir útgáfufyrirtækja á
Netinu. Þetta sagði hann á ráðstefn-
unni Nethljóðum (NetSounds) sem
breska blaðið NME stóð fyrir á dög-
unum. Chuck hefur í mörg ár verið
virkur fræði- og hugsjónamaður
hvað við kemur samfélagsmálum í
Bandaríkjunum og þá sérstaklega
hvað snertir menningu blökku-
manna þar. Hefur hann t.d. gefið út
bókina Fight the Power: Rap, Race,
and Reality hvar hann reifar þessi
mál. Public Enemy hefur og ávallt
verið ofurpólitísk sveit og hefur
aldrei farið leynt með andúð sína á
þeim sem fara með stjórnartaumana
í heimalandi sínu.
Á ráðstefnunni lýsti hann þeirri
sýn sinni að innan skamms myndi
fjöldinn allur af litlum út-
gáfufyrirtækjum fylla Vef-
inn og á endanum færu þau
að ógna stóru útgáfunum.
D hefur löngum hampað
netmiðlum eins og Napster,
hvar fólk getur sótt sér tón-
list að vild án þess að greiða
sérstaklega fyrir hana.
Sagði hann að stóru fyrir-
tækin (eða stóru skrímslin eins og
hann komst að orði) yrðu að fara að
gera sér grein fyrir því að
þróunin, hvað samnýtingu á
hljóðskrám eins og MP3
snertir, yrði ekki stöðvuð
og fyrirtækin ættu öllu
heldur að taka tækninni
opnum örmum. „Þau gætu
alveg eins reynt að öskra
upp í þrumuveður,“ sagði
hann. „Það þarf að finna
leiðir til að laga sig að þessu þannig
að þetta nýtist sem best fyrir alla.“
Hann notaði um leið tækifærið og
lét Lars Ulrich, trommuleikara
Metallica, heyra það, en hann hefur
manna mest verið að bölsótast út í
Napster.
„Hann er bara gráðugur jóla-
sveinn,“ var yfirlýsing hjá D. „Ég
þori að veðja að allir þeir sem eru að
hlaða niður tónlist Metallica eiga
a.m.k. eina plötu með sveitinni. Í
Bandaríkjunum kostar a.m.k. 8.500
kr. á tónleika sveitarinnar. Hversu
gráðugir geta menn eiginlega ver-
ið!“
Chuck endaði á því að segja að
það væri líklega óhjákvæmilegt
annað en að rukka fyrir einhverjar
niðurhleðslur (e. downloads). Út-
gáfufyrirtækin þyrftu engu að síður
að vera raunsæ gagvart því hvað
fólk væri tilbúið að borga fyrir þær.
Milljón útgáfu-
fyrirtæki
Chuck D. talar um Netið
Chuck D.
Hótel ljómandi
(Hotel Splendide)
G a m a n d r a m a

Leikstjórn og handrit Terrence
Gross. Aðalhlutverk Toni Collett,
Daniel Craig. (99 mín.)
Bretland 2000. Háskólabíó.
Bönnuð innan 12 ára.
HÓTEL ljómandi er undarleg
mynd. Ekki bara hvað varðar efn-
istök og skrautlegar persónur
heldur einnig myndin sem slík.
Hún endurspeglar einhverskonar
samkrull af súrrealískum hugar-
heimi Frakkanna
Jeunet og Caro,
sem gerðu hina
ógleymanlegu
Delicatessen, og
myrkum fárán-
leika Kens Russ-
ells, sem fór hér á
árum áður með
myndum á borð
við Lisztomania,
The Devils, Tommy og Gothic.
Myndin fjallar um stórfurðulegan
heilsuhótelrekstur á afskekktri
eyju. Reksturinn hefur verið í
höndum sömu fjölskyldunnar í háa
herrans tíð og gestirnir eiga það
sameiginlegt að hafa allir sótt
hótelið heim í þeim tilgangi að
jafna sig eftir alvarlega og stund-
um undarlega sjúkdóma. Lífið
gengur sinn vanagang uns fyrrver-
andi aðstoðarkokkur hótelsins
(Collett) snýr aftur eftir langa
fjarveru. Kemur þá í ljós að margt
undarlegt hefur verið á seyði og
bræðurnir tveir sem reka saman
hótelið eiga æði erfitt með að
sætta sig við komu hins óboðna
gests.
Ef marka má þessa tilraun þá
fer það Bretum ekki eins vel að
vasast í súrrealískum veruleika
enda hafa þeir náttúrlega löngum
talist til jarðbundnari kvikmynda-
gerðarmanna. Hér er margt
skemmtilegt og sniðugt í gangi,
leikurinn góður og útlitið úthugsað
en það pirrar mann hversu sam-
anburðurinn við ofannefnd verk er
sláandi.
Skarphéðinn Guðmundsson
MYNDBÖND
Kynlegir
kvistir