Réttur - 01.12.1916, Qupperneq 24

138 -
ráð fyrir, þó að ein höfn falli úr einstaka sinnum, af óvið-
geranlegum hindrunum. Ef fella ætti úr þessu kerfi eitt
strandferðaskipið, fyrst um sinn, af fjárhagslegum ástæðum,
þá yrði það að vera annað póstskipið, enda eru póstferð-
irnar hér miðaðar við það að eigi verði nema eitt póstskip
fyrst um sinn og gangi austan um land. Mönnum af Aust-
urlandi, sem ætluðu til Reykjavíkur, væri kleyft að fara með
svo hraðskreiðu skipi norður um land. Ennfremur fara milli-
landaskipin alloft frá Reykjavík, bæði til Vestfjarða og Aust-
urlands. Pað mundi þess vegna vera mikil framför frá því
sem nú er, að fá hringferð um landið 10. hvern dag. En
tæplega yrði þess langt að bíða, að þjóðin vildi veita sér
þau þægindi að hafa skipin tvö, þó það væri ekki peninga-
legur gróði beinlínis.
Strandferðaskip þessi gætu þó engan veginn bætt úr
flutningaþörfinni á flóum og fjörðum. Ress vegna er gert ráð
fyrir að haldið verði áfram þeirri byrjun, sem nú er gerð
með eimskip og vélbáta til flutninga á vissum svæðum
með sjó fram. í mörg ár hefir gufuskipið x»Ingólfur« geng-
ið hafna milli við Faxaflóa, vetur og sumar, enda þykir nú
Borgfirðingum og Mýramönnum sem ófært væri, ef þeir
mistu hið vikulega samband við Reykjavík. Breiðfirðingar
fá nú í sumar ágætan vélbát, sem á að ganga um Breiða-
fjörð innanverðan. Þá hefir póstur verið fluttur með vél-
bát um ísafjarðardjúp á undanförnum árum, óg þykir ó-
missandi. í sumar sem leið var haldið uppi vélbátsferðum
þriðja hvern dag milli Akureyrar og Siglufjarðar. Pi hafa
Skaftfellingar í smíðum mjög stóran vélbát, sem á að sækja
vörur þeirra til Reykjavíkur og Vestmanneyja og skipa
þéim upp víðsvegar á hinni hafnlausu strönd milli Víkur
og Hornafjarðar, þegar fært er fyrir brimi, sem oft er á
sumrin. Petta er snildarráð til að bæta úr samgöngum
Skaftfellinga og líklega hið eina, af þektum úrræðum, sem
verulega getur átt við þar. En með því að ferðir þessa
báts eru algerlega komnar undir veðri og vindi, getur hann
ekki béinlínis komið inn í þetta samgöngukerfi.