Réttur - 01.12.1916, Page 89

- 203 -
ef ís lægi við land, er vegir væru færir. En strandferðirnar
þurfum við fyrir því, þegar unnt er.
Enn hefi eg ekki minnst á burðargjald. Pegar ferðirnar
væri kostaðar af almannafé, þætti mér sanngjarnt að heimt-
að væri hálft burðargjald undir bréf óg sendingar, sem
ekki þyrfti að flytja út úr héraðinu, og þykir sennilegt að
svo yrði, í samræmi við innanbæjarpóst í Reykjavík. Ef
aðrir kosta ferðirnar, hlýtur það að verða samkomulags-
atriði hlutaðeigandi. Innansveitarpóstflutningur yrði að sjálf-
sögðu alltaf gjaldfrjáls,-
* *
*
Þetta mál hefir nýlega verið til umræðu í ungmenna-
félögum hér í Suður-Þingeyjarsýslu, og fengið yfirleitt mjög
góðar undirtektir. Hefir verið gert ráð fyrir héraðspóstleið
frá Húsavík að Einarsstöðum í Reykjadal. Talið heppileg-
ast að hafa miðstöð héraðsins þar eða í grendinni, og
aukapósta þaðan til sveitanna í kring.
Vona eg fastlega að byrjað verði á framkvæmdum í
þessu máli sem allra fyrst, og að það verði upphaf ann-
ars meira, þó að leið þess kunni að líkjast öðrum órudd-
um vegum hér á landi, og ekki reynast torfærulaus.
Fel eg svo hugmyndina hugsandi lesendum, og vænti
málinu fylgis í orði og verki frá ungum mönnum og góð-
um drengjum, er samböndum unna og andlegri menning.
Sigurgeir Friðriksson.
* *
*
Aths.
Framanskráð grein var upphaflega rituð fyrir sveitarblað.
Og þó að hún fjalli að nokkru leyti um sama efni og
önnur ritgerð í þessu hefti (»Strandferðir og póstgöngur«),
þótti mér rétt að fá hana til birtingar í ritinu samhliða
henni, af því að þær eru nokkuð sín á hvoru sviði, og
byggja hvor aðra upp. —. Vera má að einhverjum lesend-
um þyki þetta hefti tímaritsins nokkuð mikið upptekið af