Réttur - 01.02.1928, Blaðsíða 59

Rjettur} FRÁ ÓBYGÐUM 6Í
rennur eftir. Liggur hún norður með Þingmannahálsi að
vestan, en lág hæð, aflöng og lninguvaxin, skilur hana frá
Blöndu. Neðan viö hæð þessa sveigir lægðin til vesturs og
nær fram að Blöndu. Syðsti hluti lægðar þessarar heitir
Galtarárdrög. Um þau liggur Kjalvegur.
Vesturhluti heiðarinnar liggur norður að Blöndudal, og
Svartárdal í Húnavatnssýslu og norður á háls þann, sem
skilur dali þessa.
Blöndudalur er alldjúpur, þröngur og undirlendislaus.
Rennur Blanda eftir honum í djúpu gili, sem hún hefir
grafið eftir ísöld og þannig dýpkað dalinn. Framan til er
hann óbygður að austan, og telst sá hluti hans til heiðar-
innar. Fremst í dalnum heitir Rugludalur. Liggur hann til
suðausturs frá aðaldalnum og virðist i fljótu bragði vera
afdalur, en er raunar fremsta drag Blöndudals. Fyrir neð-
an Rugludal brýst Blanda ofan í dalinn eftir hyldjúpu
hamragili, sem Blöndugil heitir. G.il þetta liggur suðvestur
frá dalnum. Milli þess og Rugludals verður hár fjallsmúli
Suður frá honum er fell það, sem Hanskafell heitir. Er það
stundum nefnt Hanskafell vestara til aögreiningar frá
Hanskafelli á Þinginannahálsi.
Rugludalur er stuttur og grunnur, en grösugur. Þar var
einn bær samnefndur, og var hann bygður fram yfir síð-
ustu aldamót. Annað eyðibýli er í Blöndudal alllangt út
frá Rugludal. Heitir það Selland. Þar var og búið fram á
þessa öld. Nú eru lönd þessara jarða beggja lögð til af-
réttar, og eru Bollastaðir fremsti bær í Blöndudal austan-
verðum.
Á hálsinum austur frá Rugludal er vörðubrot, sem heit-
ir Kurbrandur. Stendur það uppi á allhárri bungu, fast við
veg þann, sem Skinandi heitir. Frá Kurbrandi er víðsýnt,
og vegfarendur þeir, sem suöur fara, sjá þaðan fyrst að
fullu fram á heiðina. Áður fyr var það venja þeirra, scm
veginn fóru, að varpa steini í Kurbrand, en sú venja er nú
niður lögð. Sagt er, að Kurbrandur sé dys, og liafi þar