Réttur - 01.01.1951, Qupperneq 128

128
RÉTTUR
fótum og búa sig undir að hertaka land vort fyrir fullt og allt.
Ef vér íslendingar sofum nú á verðinum er þjóð vor orðin kúguð
nýlenduþjóð og land vort nýlenda og herstöð, fyrr en varir.
Ekkert gjafagull, engar Marshallmútur mega koma í veg fyrir
það að þjóð vor reynist sögu sinni og landi, sjálfri sér og afkom-
endum trú á mestu örlagastundum þjóðarinnar. Líf hennar
getur legið við að hún láti hvorki ginnast af gulli Mammonsríkisins
né blekkjast af þeim brjálsemisáróðri, sem fasistískt auðvald
Ameríku lætur leppblöð sín á íslandi reka með innantómum
vígorðum Hitlers um „baráttuna gegn bolsévismanum" að aðal
atriði.
Raunsæ og einhuga verður hún að rísa upp til varnar frelsi sínu
og farsæld. Hvar sem vér íslendingar stöndum í stétt eða flokki
verðum vér að taka höndum saman gegn aukinni áþján erlends
kúgunarvalds og vaxandi hættu á tortímingu þjóðar og þjóðernis.
En þeir höfðingjar, sem nú í annað sinn í sögu íslands, eru að
svíkja þjóðina undir erlent ok og áþján, mega vita það að þjóðin
mun ekki dæma verk þeirra vægar en Einar Benediktsson dæmdi
þau fyrrum:
„En kaupi sér nokkur manns vinskap og vild
því verði, að ísland hann svíki,
skal byggja honum út, inn í fjandmanna fylgd
og föðurlandssvikarans ríki.
Þar skipta ei flokJumum skoðanir manns, —
þeir skiptast um hagnað og tjón þessa lands.“