Réttur - 01.07.1951, Blaðsíða 11

RÉTTUR
155
trúlegustu. Þetta er árangurinn. Þetta virðist nú ekki vera erfitt
gáfnapróf fyrir íslendinga En heill þjóðarinnar er nú samt undir
því komin, að hún standist þetta próf.
Enginn maður, sem héfur hin minnstu kynni af landafræði og
hernaðartækni og kann að leggja saman tvo og tvo, dregur í efa
til hvers herstöðvar á íslandi eru ætlaðar. Þær eru ætlaðar til
loftárása, þar á meðal kjarnorkuárása á meginland Evrópu og þó
fyrst og fremst Sovétríkin. í útvarpserindum og blaðagreinum um
allan heim„ þar á meðal í Bandaríkjunum, er þetta rakið og út-
skýrt fyrir almenningi. Alls staðar nema á íslandi, þar sem Þjóð-
viljinn einn segir sannleikann. Það er algengt að stjórnarblöð í
Bandaríkjunum birta hernaðaruppdrætti, þar sem sýnd er þýðing
íslands, sem árásarstöðvar Bandaríkjanna gegn Sovétríkjunum. Og
þeir eru ekkert myrkir í máli um það hvernig á að heyja stríðið.
Fjölda margir æðstu valdamenn Bandaríkjanna, þar á meðal ráð-
herrar í stjórn Trumans og hershöfðingjar í þjónustu hennar hafa
krafizt þess, að hafin yrði árásarstyrjöld á Sovétríkin með þeim
hætti að varpað yrði kjarnorkusprengjum á stórborgir þeirra.
Sjálfur hefur Truman tvívegis lýst yfir í stórpólitískum ræðum, að
hann sé ráðinn í því að láta kasta kjarnorkusprengjum á ný, þegar
honum þyki tímabært. Omar Bradley, formaður herforingjaráðs-
ins, lýsti yfir eftirfarandi á vopnahlésdaginn 1949:
„Við höfum komizt yfir leyndarmál kjarnorkunnar og viljum
ekki lengur hlusta á fjallræðuna. Við vitum meira um stríð en
frið, meira um eyðingu lífsins, en lífið sjálft.“
Og blaðið Washington Times Herald lýsir komandi styrjaldar-
rekstri Bandaríkjanna á þessa leið:
„Við skulum senda flugvélar upp í 40 þúsund feta hæð, hlaðn-
ar kjarnorkusprengjum, íkveikjusprengjum, sýklum og eitri til
þess að drepa börnin í vöggu, gamalmennin á bæn og verkamenn-
ina að starfi.1
Við þurfum sannarlega ekki að kvarta undan því að Banda-
ríkjamenn hafi ekki skýrt okkur greinilega frá fyrirætlunum
sínum. Við þurfum heldur ekki að dyljast þess, að ef slíkur hern-
aður yrði rekinn frá íslandi, þá er líf þjóðarinnar í miklum voða.